піке́тны, ‑ая, ‑ае.
Які мае адносіны да пікета 2. Пікетны знак. Пікетны слупок.
піке́тчык, ‑а, м.
Удзельнік пікета 1. Нарэшце ўперадзе мільгануў доўгачаканы прасвет, а за ім — бераг ракі. Вунь і пікетчык. Шыловіч. Дарогі.. [у Ваўкавыску] былі запоўнены салдатамі і пікетчыкамі Манюкіна. Якімовіч.
пі́кі, ‑аў; адз. піка, ‑і, ж.
Картачная масць з малюнкам у выглядзе чорнага наканечніка пікі; віны.
[Фр. pique.]
пікі́раванне 1, ‑я, н.
Дзеянне паводле знач. дзеясл. пікі́раваць.
пікі́раванне 2, ‑я, н.
Дзеянне паводле знач. дзеясл. пікі́равацца.
пікірава́нне, ‑я, н.
Дзеянне паводле знач. дзеясл. пікірава́ць.
пікірава́ны, ‑ая, ‑ае.
Дзеепрым. зал. пр. ад пікірава́ць.
пікі́равацца, ‑руюся, ‑руешся, ‑руецца; незак.
Абменьвацца з’едлівымі, колкімі заўвагамі. [Тамара] перасмыкнула пафарбаванымі вуснамі, але змаўчала. Ведала: калі пачаць пікіравацца, .. [Яраш] нагаворыць непрыемнасцей. Шамякін.
пікірава́цца, ‑руецца; незак.
Зал. да пікірава́ць.
пікі́раваць, ‑рую, ‑руеш, ‑руе; незак.
Зніжацца на вялікай хуткасці і амаль вертыкальна (аб самалёце). Цяжкія самалёты хвалямі наплывалі на ціхае неба горада. Яны рэзка пікіравалі з вышыні і калацілі выбухамі зямлю. Сабаленка.
пікірава́ць, ‑ру́ю, ‑ру́еш, ‑ру́е; незак., што.
Спец. Перасаджваць маладыя расліны пры дапамозе завостранага кіёчка-пікі. Пікіраваць расаду капусты.
[Фр. piquer — калоць.]
пікіро́ўка 1, ‑і, ДМ ‑роўцы, ж.
Дзеянне паводле знач. дзеясл. пікірава́ць.
пікіро́ўка 2, ‑і, ДМ ‑роўцы, ж.
Дзеянне паводле знач. дзеясл. пікі́равацца.
пікіро́ўшчык, ‑а, м.
Разм. Пікіруючы бамбардзіроўшчык. Над астраўком з’явілася каля двух дзесяткаў нашых пікіроўшчыкаў, якія кідаліся з гары на нябачныя адсюль цэлі. Мележ.