Verbum

перасна́шчаны, ‑ая, ‑ае.

Дзеепрым. зал. пр. ад пераснасціць.

пераснашча́цца, ‑аецца; незак.

Зал. да пераснашчаць.

пераснашча́ць, ‑аю, ‑аеш, ‑ае.

Незак. да пераснасціць.

перасні́ць, ‑сню, ‑сніш, ‑сніць; зак., што.

Разм. Сасніць многа сноў. Колькі я сноў перасніў!

перасно́ўваць, ‑аю, ‑аеш, ‑ае.

Незак. да пераснаваць.

перасо́вачны, ‑ая, ‑ае.

1. Прыстасаваны для зручнага перасоўвання, перамяшчэння. Перасовачны столік.

2. Які пераязджае з месца на месца, каб задаволіць патрэбы насельніцтва на месцы жыхарства, працы і пад. Перасовачная бібліятэка. Перасовачная майстэрня. □ Непадалёк ужо аднастайна тахкаў рухавічок перасовачнай электрастанцыі. Броўка.

перасо́л, ‑у, м.

Празмерная салёнасць, лішак солі ў чым‑н. Недасол на стале, перасол на спіне. Прымаўка.

перасо́лены, ‑ая, ‑ае.

1. Дзеепрым. зал. пр. ад перасаліць (у 1, 2 знач.).

2. у знач. прым. Вельмі салёны. Перасолены боршч. □ Сяргею хацелася есці, але ўсё, што стаяла на стале, было, здаецца, перасоленым, недавараным і такім нясмачным, што нават расло ў роце. Адамчык.

перасо́льванне, ‑я, н.

Дзеянне паводле дзеясл. перасольваць — перасаліць (у 1, 2 знач.).

перасо́львацца, ‑аецца; незак.

Зал. да перасольваць.