перапіло́ўвацца, ‑аецца; незак.
Зал. да перапілоўваць.
перапіло́ўваць, ‑аю, ‑аеш, ‑ае.
Незак. да перапілаваць.
перапіло́ўка, ‑і, ДМ ‑лоўцы, ж.
Разм. Дзеянне паводле знач. дзеясл. перапілоўваць — перапілаваць.
перапіна́ць, ‑аю, ‑аеш, ‑ае.
Незак. да перапяць.
перапіра́ць, ‑аю, ‑аеш, ‑ае.
Незак. да пераперці.
пе́рапіс, ‑у, м.
Спецыяльны статыстычны ўлік каго‑, чаго‑н. Перапіс насельніцтва.
перапі́саны, ‑ая, ‑ае.
Дзеепрым. зал. пр. ад перапісаць.
перапіса́цца, ‑пішуся, ‑пішашся, ‑пішацца; зак.
Разм. Запісацца ў іншы спіс, у іншае месца.
перапіса́ць, ‑пішу, ‑пішаш, ‑піша; зак.
1. што. Напісаць якое‑н. слова, тэкст нанава, яшчэ раз. Перапісаць рукапіс. Перапісаць сачыненне. // Зрабіць копію з якога‑н. тэксту; спісаць. Перапісаць верш з кнігі ў альбом. // Перапрацаваўшы, напісаць нанава, інакш. Ён [А. Маўзон] фактычна перапісаў усю п’есу, у выніку чаго ўдасканаліўся не толькі вобраз Заслонава, але і вобразы яго бліжэйшых паплечнікаў і сяброў. Рамановіч.
2. каго-што. Скласці спіс, рэестр каго‑, чаго‑н.; запісаць усіх, многіх або ўсё, многае. Перапісаць прысутныя. Перапісаць інвентар.
3. што. Аформіць, перааформіць дакумент на перадачу або перавод чаго‑н. каму‑н. другому. Перапісаць маёмасць на сына. □ [Пятро:] — Цікава, ці перапісаў стары дом на Васіля? Даніленка.
4. чаго. Напісаць многа або многім. Упершыню за два гады сказаў [пра каханне], хоць пісем перапісалі, хоць паперы звялі мы — вазы! Васілевіч.
перапі́сванне, ‑я, н.
Дзеянне паводле знач. дзеясл. перапісваць — перапісаць.