Verbum

эх, выкл. (разм.).

Ужыв. пры выражэнні раптоўнага здзіўлення, папроку, прыкрасці, шкадавання.

• Эх і надвор’е!
• Эх, сынок, сынок...

эцюд, ✂, м.

1. У выяўленчым мастацтве: твор, выкананы з натуры, які з’яўляецца першапачатковым накідам, эскізам, часткай будучага кампазіцыйнага цэлага.

2. Невялікі твор навуковага, крытычнага і пад. характару, прысвечаны якому-н. асобнаму пытанню.

   • Лінгвістычныя эцюды.

3. Музычны твор віртуознага характару.

   • Эцюды Чэрні для цымбалаў.

4. Від практыкавання (у музыцы, шахматнай гульні і пад.).

   • Зборнік эцюдаў для шахматыстаў.

5. мн. Маляванне фарбамі з натуры для практыкавання, загатоўкі эскізаў.

   • Пайсці на эцюды.

|| прым. эцюдны, ✂.

эцюднік, ✂, м.

Спецыяльная плоская скрынка з прыналежнасцямі для жывапісу, малявання і месцам для захоўвання эцюда.

эшалон, ✂, м.

1. Баявое, аператыўнае пастраенне.

2. Цягнік, а таксама іншы від транспарту спецыяльнага прызначэння для масавых перавозак.

   • Воінскі э.
   • Э. з нафтай.

|| прым. эшалонны, ✂.

эшафот, ✂, м.

Памост для пакарання.

• Узысці на э. (таксама перан. прынесці сваё жыццё ў ахвяру чаму-н.).

|| прым. эшафотны, ✂.

юань, ✂, м.

Грашовая адзінка Кітайскай Народнай Рэспублікі.

юбілей, ✂, м.

1. Гадавіна чыйго-н. жыцця, чыёй-н. дзейнасці, існавання каго-, чаго-н. (звычайна дзесяці-, дваццацігоддзе і пад.).

   • Пяцідзесяцігадовы ю. пісьменніка.

2. Урачыстасці, прысвечаныя такой гадавіне.

   • Запрасіць на ю.

|| прым. юбілейны, ✂.

• Ю. медаль.
• Юбілейныя дні.

юбіляр, ✂, м.

Той, чый юбілей адзначаецца, святкуецца.

• Акадэмік-ю.
• Горад-ю.
• Віншаваць юбіляра.

|| ж. юбілярка, ✂.

ювелір, ✂, м.

Майстар, які вырабляе прадметы мастацтва, упрыгожанні і пад. з каштоўных металаў, з каштоўнымі камянямі, або прадавец такіх прадметаў.

ювелірны, ✂.

1. Які мае адносіны да вырабаў з каштоўных металаў і камянёў.

   • Ювелірная майстэрня.
   • Ювелірныя вырабы.

2. перан. Тонкі, дасканалы, такі, як у ювеліра; умела і старанна апрацаваны.

   • Ювелірная работа.
   • Ювелірнае выкананне.