Verbum

седала, ✂, н.

1. Жэрдка або некалькі жэрдак у куратніку, на якія садзяцца ноччу куры; курасадня.

2. перан. Месца, дзе чалавек пражыў многа гадоў; абжыты куток.

   • Пакінуць роднае с.

седлаванне, ✂, н.

1. гл. сядлаць.

2. Спосаб, якім асядланы конь (спец.).

   • Паходнае с.

седлавіна, ✂, ж.

1. Прагіб у спіне жывёлін (спец.).

2. Невялікая прадаўгаватая ўпадзіна паміж дзвюма высокімі вяршынямі ў горным хрыбце.

сезон, ✂, м.

1. Адна з чатырох пор года.

   • Зімовы с.
   • Не па сезону апрануцца.

2. Частка года, якая з’яўляецца найбольш прыдатнай для якой-н. работы, адпачынку і пад.

   • С. адпачынкаў.
   • Канцэртны с. філармоніі.
   • На чарніцы яшчэ не с. (не паспелі).
   • Купальны с.

сезоннік, ✂, м.

Рабочы на сезонных работах.

|| ж. сезонніца, ✂.

сезонны, ✂.

1. Які мае адносіны да пэўнага сезона.

   • Сезонныя рабочыя.

2. Які дзейнічае ўвесь сезон, на ўвесь указаны час.

   • С. абанемент на канцэрты.

|| наз. сезоннасць, ✂.

сейбіт, ✂, м.

1. Той, хто сее зерне.

   • С. за лёс ураджаю трывожыцца.

2. перан. Чалавек, які распаўсюджвае ідэі, веды.

   • С. разумнага, добрага, вечнага.

сейм, ✂, м.

Назва парламента ў некаторых дзяржавах.

|| прым. сеймавы, ✂.

сейнер, ✂, м.

Невялікае марское судна для лоўлі рыбы спецыяльным невадам.

сейсма...

Першая частка складаных слоў са знач.:

• 1) сейсмічны, напр. сейсмаактыўнасць, сейсмазона, сейсмапрафіляванне, сейсмаразведка, сейсмастойкі;
• 2) які мае адносіны да сейсмаграфіі, напр. сейсмазандзіраванне, сейсмазапісваючы;
• 3) які мае адносіны да сейсмалогіі, напр. сейсмагеалогія, сейсмагідраакустыка, сейсмастанцыя.