Verbum

пнеўма...​²

Першая частка складаных слоў са знач.:

• 1) які мае адносіны да лёгкіх, напр. пнеўмадыяфрагменны, пнеўмаплеўрыт, пнеўмасклероз, пнеўмафіброз, пнеўмацыроз;
• 2) які мае адносіны да дыхання, да дыхальных шляхоў, напр. пнеўмавірусы, пнеўмаманометр.

пнеўманія, ✂, ж.

Група захворванняў, якія характарызуюцца запаленчым працэсам у тканках лёгкіх і ў канцовых разгалінаваннях бронхаў; запаленне лёгкіх.

пнеўматыка, ✂, ж., зб.

Сукупнасць пнеўматычных механізмаў, прыстасаванняў.

пнеўматычны, ✂.

Які прыводзіцца ў рух пры дапамозе сціснутага паветра.

• П. молат.
• Пнеўматычная помпа.

пнуцца, ✂; незак.

Тое, што і пяцца.

пнуць, ✂; незак. (разм.).

Тое, што і пяць.

побач, прысл.

1. прысл. Адзін каля аднаго.

   • Мужчыны ішлі п.

2. прыназ. з Р. Блізка каля каго-, чаго-н., поруч з кім-, чым-н.

   • Ісці п. воза.

Побач з (са), прыназ. з Т —

• 1) зусім блізка ля каго-, чаго-н.

  • Наша хата стаіць п. са школай;

• 2) адначасова, разам з чым-н.

  • П. са складаннем слоўніка праводзілася манаграфічнае апісанне лексікі.

побыт, ✂, м.

1. Тое, што і быт.

2. Знаходжанне, прабыванне дзе-н.

   • За кароткі п. у сталіцы пра многае даведаўся.

|| прым. побытавы, ✂.

повад, ✂, м.

Прывязаная да аброці вяроўка або рэмень, на якіх водзяць каня, радзей — цяля, карову.

• На повадзе ў каго-н. быць (перан. дзейнічаць не самастойна, па ўказцы каго-н.; неадабр.).

|| прым. павадовы, ✂.

повар, ✂, м.

Спецыяліст па прыгатаванню ежы.

• Рэстаранны п.

|| ж. паварыха, ✂.

|| прым. поварскі, ✂.