Verbum

павянуць, ✂; зак.

Звянуць — пра ўсё, многае.

• Кветкі павялі.

павярнуцца, ✂; зак.

1. Вярчальным рухам, варочаючыся, змяніць напрамак, становішча.

   • П. кругом.
   • П. на другі бок.
   • Ключ павярнуўся ў замку.

2. перан. Атрымаць нечаканае развіццё.

   • Справа павярнулася не так, як чакалі.

|| незак. паварочвацца, ✂.

|| наз. паварот, ✂.

павярнуць, ✂; зак.

1. Варочаючы, змяніць становішча каго-, чаго-н.

   • П. ключ.
   • П. хворага на другі бок.

2. каго-што і без дапаўнення. Змяніць напрамак, шлях руху.

   • П. з вуліцы ў завулак.
   • П. каня назад.
   • Дарога павярнула ў лес.

3. перан. Даць чаму-н. іншы напрамак, развіццё.

   • П. гаворку на іншы лад.
   • П. справу па-свойму.

|| незак. паварочваць, ✂.

|| наз. паварот, ✂.

павярхоўны, ✂.

Які не дае глыбокага аналізу, не закранае сутнасць чаго-н., несур’ёзны.

• Павярхоўнае знаёмства са справамі.
• Павярхоўна (прысл.) ведаць што-н.

|| наз. павярхоўнасць, ✂.

пагаварыць, ✂; зак.

Правесці некаторы час за гаворкай, абмяркоўваючы што-н.; перагаварыць (у 1 знач.) аб чым-н.

• П. са знаёмым.
• Хочацца з вамі п. аб важнай справе.

пагада, ✂, ж.

Будыйскі або індуісцкі храм, сховішча рэлігійных рэліквій.

пагадаваць, ✂; зак.

Выгадаваць усіх, многіх.

• П. дзяцей.

пагадзінны, ✂.

Які робіцца, разлічваецца па гадзінах.

• Пагадзінная аплата.
• Пагадзінная праца.

пагадзіцца, ✂; зак.

1. з кім-чым і без дапаўнення. Выказаць згоду з кім-, чым-н.

   • П. з прапановай.
   • — Так, нам тады было надта цяжка, — пагадзіўся са мной сусед.

2. на чым і без дапаўнення. Прыйсці да згоды, сысціся на чым-н.

   • Пагадзіліся ісці пехатой.
   • Пагадзіліся на тым, што туды паеду я.

3. Памірыцца з кім-н. або прымірыцца з чым-н., прывыкнуць да чаго.

   • Паспрачаліся, а потым пагадзіліся.
   • Ён ніяк не мог п. з тым, што несправядліва з ім абышліся.

|| незак. пагаджацца, ✂.

пагадзіць, ✂; зак.

1. Прывесці ў адпаведнасць з чым-н.

   • П. супярэчнасці.

2. Памірыць, прымірыць.

   • П. спрачальнікаў.

|| незак. пагаджаць, ✂.