Verbum

адо́зва, ✂, ж.

Пісьмовы ці вусны зварот з заклікам да каго-н.

• Паставіць подпісы пад адозвай за мір.

адо́лець, ✂; зак.

1. Перамагчы ў барацьбе, асіліць.

   • А. ворага.

2. перан. Пераадолець якія-н. цяжкасці, перашкоды, справіцца з чым-н., перасіліць у сабе якія-н. пачуцці, жаданні і пад.

   • А. курс фізікі.
   • А. цяжкі экзамен.

3. перан. Пра які-н. стан: цалкам ахапіць.

   • Клопаты адолелі яго.

4. Дакучаючы, замучыць, пазбавіць спакою (разм.).

   • Машкара адолела, няма жыцця.

|| незак. адольваць, ✂.

|| наз. адольванне, ✂.

|| наз. адоленне, ✂.

адо́нак, ✂, м.

Подсціл з галля, жэрдак, на які кладуць стог; стажар’е.

адо́раны, ✂.

Здольны да чаго-н., таленавіты.

• А. хлопец.

|| наз. адоранасць, ✂.

адо́рвень, ✂, м. (спец.).

Адарваная глыба горнай пароды, прынесеная ледніком.

• А. дэвонскай пароды.

адпаве́днік, ✂, м.

Што-н. раўназначнае, раўнацэннае чаму-н. і эквівалент.

адпаве́дны, ✂.

1. Які падыходзіць для пэўнага выпадку.

   • А. тон.

2. Які адпавядае чаму-н., вынікае з чаго-н. папярэдняга.

   • Прыняць адпаведную пастанову.

3. адпаведна, прысл. Належным чынам, як таго патрабуе дадзены выпадак.

   • Даведайся пра пастанову і дзейнічай адпаведна.

4. адпаведна чаму, прыназ. з Д. Згодна чаму-н., з чым-н., у залежнасці ад чаго-н.

   • Адпаведна сродкам.
   • Адпаведна закону.

5. Адпаведна з чым, прыназ. з Т — тое, што і адпаведна чаму.

   • Адпаведна з рашэннем.

|| наз. адпаведнасць, ✂.

адпавяда́ць, ✂; незак.

Быць, знаходзіцца ў адпаведнасці з кім-, чым-н.

• А. свайму прызначэнню.
• Копія адпавядае арыгіналу.

адпаі́ць, ✂; зак.

1. Скончыць паіць.

   • А. кароў.

2. Выгадаваць на пойле, адкарміць малаком.

   • А. цялят.

3. Вылечыць, даючы якое-н. пітво, лякарства (разм.).

   • А. хворага настоем траў.

|| незак. адпойваць, ✂.

адпаку́таваць, ✂; зак.

Скончыць пакутаваць; адмучыцца.

• Адпакутаваў чалавек.