Verbum

выразны​¹ ✂ прым.

1. Такі, у якім кожная дэталь, момант яскрава вылучаюцца.

   • Выразныя абрысы гор.
   • В. почырк.
   • Выразнае вымаўленне.

2. Яскравы, пераканаўчы.

   • Выразная перавага.

3. Дакладна і ясна сфармуляваны.

   • В. адказ.

|| наз. выразнасць, ✂.

выразны​² ✂ прым.

Выраблены выразаннем, разны.

• Вокны з выразнымі ліштвамі.

вырай, ✂, м.

1. Цёплы край, куды вылятаюць на зіму пералётныя птушкі.

   • Час адлёту птушак у в.

2. Чарада пералётных птушак.

   • Жураўліны в.

выраніць, ✂; зак.

Даць магчымасць скаціцца, упасці (пра слязу).

• Колькі слёз выраніла.

вырасці, ✂; зак.

1. гл. расці.

2. Стаць большым ростам настолькі, што адзенне стала малое.

   • В. з касцюма.

3. перан. Удасканальваючыся, дасягнуць больш высокая ступені.

   • Кампазітар вырас за апошнія гады.

4. Паказацца нечакана, паўстаць перад вачамі.

   • На парозе вырас сувязны.

5. Як з-пад зямлі вырас (нечакана паявіўся).

   • Перад падарожнікамі вырас горад.

|| незак. вырастаць, ✂.

вырасціць, ✂; зак.

Даць вырасці, даглядаючы, выхоўваючы.

• В. сад.
• В. дзяцей.

|| незак. вырошчваць, ✂.

выратавальнік, ✂, м.

Той, хто ратуе каго-, што-н., збавіцель.

|| ж. выратавальніца, ✂.

выратавальны, ✂.

Які служыць для выратавання, садзейнічае яму.

• В. круг.
• Выратавальныя прыёмы.

|| наз. выратавальнасць, ✂.

выратавацца, ✂; зак.

Уберагчыся, збавіцца ад чаго-н. небяспечнага, пагражальнага.

• В. ад смерці.

|| незак. выратоўвацца, ✂.

выратаваць, ✂; зак.

1. Пазбавіць ад чаго-н. (страшнага, небяспечнага і пад.).

   • В. тапельца.

2. Захаваць у цэласці, зберагчы.

   • В. рукапіс ад знішчэння.

|| незак. выратоўваць, ✂.

|| наз. выратаванне, ✂.