Verbum

Лэхаць ’пляткарыць’ (зэльв., Сцяшк. Сл.). Да ла́хаць ₂ (гл.). Аб пераходзе а > э гл. Карскі (1, 104).

Лэхі ’транты, анучы, парванае адзенне’ (Сцяшк.), ’лахманы’ (свісл., Шатал.; ваўк., Сл. ПЗБ). Да ла́хі (гл.). Аб пераходзе а > э гл. Карскі (1, 104).

Лэхнуць ’быць адданым каму-небудзь, прападаць за кім-небудзь, вельмі любіць што- або каго-небудзь’ (стаўб., Жыв. сл.). Да лахаць ₁ (гл.). З прычыны экспрэсіўнасці ‑а‑ > ‑э‑.

Лэхта ’балбатуха’ (стаўб., Жыв. сл.). Утворана ад лэ́хтаць < ла́хтаць ₂ (гл.), як мазя ад мазаць.

Лэхтар ’вынашаная падраная адзежына фабрычнага вырабу’ (КЭС, лаг.). Да лэх < ла́хі (гл.). Аб суфіксе ‑ар гл. Сцяцко (Афікс. наз., 148).