хлеба...
Першая састаўная частка складаных слоў, якая адпавядае па значэнню словам «хлеб», «хлебны», напрыклад: хлебазавод, хлебапрадукты, хлебабулачны, хлебапастаўкі.
хлебабу́лачны, ‑ая, ‑ае.
Які мае адносіны да хлебных вырабаў. Хлебабулачнае прадпрыемства. // Прызначаны для продажу мучных вырабаў. Хлебабулачны магазін.
хлебага́ндаль, ‑длю, м.
Аптовы гандаль хлебам (у 2 знач.).
хлебагандлёвы, ‑ая, ‑ае.
Які мае адносіны да хлебагандлю, звязаны з ім. Хлебагандлёвыя арганізацыі. Хлебагандлёвая сетка.
хлебада́йнасць, ‑і, ж.
Паэт. Уласцівасць хлебадайнага.
хлебада́йны, ‑ая, ‑ае.
Паэт. Які дае хлеб, забяспечвае сродкамі для існавання. Дзе мой дом, дзе ты, хата мая, Дзе загон хлебадайнай зямлі? Купала. Спрадвеку драўляная, Як і дрэвы, у зямлю ўрасла. Жыве яна [вёска] З хлебадайнага рамяства. Барадулін.
хлебазаво́д, ‑а, М ‑дзе, м.
Прадпрыемства з механізаванай выпечкай хлеба. Хлебазавод-аўтамат.
хлебазда́ча, ‑ы, ж.
Планавая здача збожжа калгасамі і саўгасамі дзяржаве.
хлебану́ць, ‑ну, ‑неш, ‑не; ‑нём, ‑няце; зак.
1. Аднакр. да хлёбаць.
2. перан. Разм. Выпіць. [Тодар:] — Вунь у Малых Прусах шляхціц Купрыян Свінацяробскі гоніць, дык хоць замест газы палі — далібог жа гарыць, а калі трохі хлебанеш, дык аж вочы на лоб лезуць. Чорны. // Паесці (якой‑н. вадкай стравы). [Бабка:] — У мяне, панічок, капуста ад абеду засталася, можа, вы хлебанулі б крыху? Колас.
3. перан. Разм. Зведаць, перанесці. Хлебанулі гора мы нямала — Дзеці на ваенным рубяжы... Зуёнак.
хлебапаста́ўкі, ‑тавак; адз. хлебапастаўка, ‑і, ДМ ‑таўцы, ж.
Планавая здача збожжа дзяржаве.