Verbum

электралі́тны, ‑ая, ‑ае.

Які мае адносіны да электраліту, звязаны з электралітам. Электралітны завод.

электраліты́чны, ‑ая, ‑ае.

Спец. Звязаны з прымяненнем электролізу. Электралітычнае храміраванне інструмента. // Прызначаны для электролізу. Электралітычная ванна. // Які атрымліваецца ў выніку электролізу. Электралітычнае жалеза. Электралітычны цынк.

электралічы́льнік, ‑а, м.

Прыбор для ўліку выкарыстанай электраэнергіі.

электралюмінесцэ́нтны, ‑ая, ‑ае.

Спец. Звязаны з прымяненнем электралюмінесцэнцыі. Электралюмінесцэнтная лямпа.

электралюмінесцэ́нцыя, ‑і, ж.

Спец. Люмінесцэнцыя, якая ўзнікае пад уздзеяннем электрычнага поля.

электраля́мпа, ‑ы, ж.

Электрычная лямпа. Вялікі класны пакой быў заліты яркім святлом электралямп. Шамякін.

электраля́мпавы, ‑ая, ‑ае.

Які мае адносіны да вырабу электралямп. Электралямпавы завод.

электралячэ́бніца, ‑ы, ж.

Лячэбніца, у якой праводзіцца электралячэнне.

электралячэ́бны, ‑ая, ‑ае.

Які мае адносіны да электралячэння. Электралячэбны кабінет. Электралячэбныя працэдуры.

электралячэ́нне, ‑я, н.

Выкарыстанне электрычных з’яў, працэсаў у лячэбных мэтах.