адлітава́ць, ‑тую, ‑туеш, ‑туе; зак., што.
Тое, што і адпаяць.
адлітаграфава́ны, ‑ая, ‑ае.
Дзеепрым. зал. пр. ад адлітаграфаваць.
адлітаграфава́ць, ‑фую, ‑фуеш, ‑фуе; зак., што.
Зрабіць літаграфскім спосабам.
адліто́ўванне, ‑я, н.
Дзеянне паводле знач. дзеясл. адлітоўваць — адлітаваць.
адліто́ўвацца, ‑аюся, ‑аешся, ‑аецца.
Незак. да адлітавацца.
адліто́ўваць, ‑аю, ‑аеш, ‑ае.
Незак. да адлітаваць.
адлі́ты, ‑ая, ‑ае.
Дзеепрым. зал. пр. ад адліць.
адлі́ў, ‑ліву, м.
1. Дзеянне паводле дзеясл. адліваць — адліць (у 2 знач.).
2. Перыядычнае паніжэнне ўзроўню вады ў адкрытым моры. За суткі на моры бывае два прылівы і два адлівы. // перан. Спад у развіцці чаго‑н.; убыванне чаго‑н. Пестрак раскрывае ў рамане ўсю складанасць рэвалюцыйна-вызваленчага руху, паказвае яго прылівы і адлівы. Хромчанка. Шумеў натоўп, як марскі прыбой, чутны прылівы і адлівы людскога гоману. Гурскі.
3. Блік, водсвет на паверхні чаго‑н.; дадатковае адценне, якое адсвечваецца на фоне асноўнага колеру. На галінках тонкіх дрэмлюць зяблікі І палаюць жарам снегіры, Паглядзіш — здаецца, гэта яблыкі Бліскаюць адлівамі зары. Смагаровіч. Андрэй распрануўся і сеў на лаву, прыгладзіўшы рукою цёмна-русыя валасы з залацістым адлівам. Пестрак.
адлі́ўка, ‑і, ДМ ‑ліўцы; ж.
1. Дзеянне паводле дзеясл. адліваць — адліць (у 4 знач.); тое, што і ліццё (у 1 знач.).
2. Спец. Вырабы, атрыманыя з дапамогай ліцця; тое, што і ліццё (у 2 знач.). Дабраякасная адліўка. □ Апока скаланулася, затрэслася як у ліхаманцы, адліўка паслухмяна адстала ад фармовачнай зямлі і знікла ў люку. Карпаў.
адліўны́, ‑ая, ‑ое.
Прызначаны для адліву, сцёку чаго‑н. Адліўныя трубы.