Verbum

многаслаёвы, ‑ая, ‑ае.

Тое, што і мнагаслойны.

многастады́йны, ‑ая, ‑ае.

Які складаецца з некалькіх або многіх стадый. Многастадыйныя працэсы вытворчасці.

многастано́чнік, ‑а, м.

Рабочы, які абслугоўвае адначасова некалькі станкоў. [Семянкоў] хутка стаў многастаночнікам І дакладна авалодаў стаханаўскімі метадамі працы на трох станках рознага тыпу. «Беларусь».

многастано́чніца, ‑ы, ж.

Жан. да многастаночнік.

многастано́чны, ‑ая, ‑ае.

Звязаны з адначасовай работай на некалькіх станках. Многастаночнае абслугоўванне.

многастаро́ннасць, ‑і, ж.

Уласцівасць і якасць многастаронняга.

многастаро́нні, ‑яя, ‑яе.

1. Які мае некалькі старон. Многастаронняя прызма.

2. Абавязковы для некалькіх зацікаўленых бакоў, удзельнікаў чаго‑н. Многастаронні дагавор.

многаступе́нны, ‑ая, ‑ае.

Які праходзіць рад ступеней. Многаступенная сістэма адбору. // Які адбываецца па ступенях, перыядах. Многаступенныя выбары (сістэма выбараў, пры якой выбаршчыкі выбіраюць толькі прадстаўнікоў, якія затым выбіраюць дэпутатаў).

многаступе́ньчаты, ‑ая, ‑ае.

З вялікай колькасцю ступеней. Многаступеньчатая ракета. □ Піліп Пракапенка выточваў даволі складаную, многаступеньчатую дэталь. Кулакоўскі.

многасяме́йнасць, ‑і, ж.

Стан многасямейнага; наяўнасць вялікай сям’і.