Verbum

аго́раць, ✂; зак.

Купіць, набыць што-н. з цяжкасцю.

• А. хату.

аго́рклы, ✂.

1. Які агорк, набыў горкі смак.

   • А. сыр.
   • А. квас.

2. перан. Пра тое, што надакучыла, абрыдла; невыносны, цяжкі.

   • Агорклае жыццё.

аго́ркнуць, ✂; зак.

1. Тое, што і згоркнуць.

   • Масла агоркла.

2. перан. Надакучыць, абрыдзець; стаць невыносным, цяжкім.

   • Агоркнуў хлеб батрацкі.

агра...

Першая частка складаных слоў, якая адпавядае слову агранамічны, напр. аграбаза, агравучоба, аграгурток, агралабараторыя.

аграбіяло́гія, ✂, ж.

Навука аб агульных біялагічных заканамернасцях у земляробстве, раслінаводстве і жывёлагадоўлі.

|| прым. аграбіялагічны, ✂.

агракульту́ра, ✂, ж.

Сістэма мерапрыемстваў, накіраваных на паляпшэнне тэхнікі паляводства, павышэнне культуры земляробства.

|| прым. агракультурны, ✂.

аграма́дзіна, ✂, ж. (разм.).

Прадмет велізарных памераў.

аграма́дзіць, ✂; зак.

Абагуліць, ператварыць прыватнае, індывідуальнае ў калектыўна-грамадскае.

• А. зямлю.
• А. жывёлу.

|| незак. аграмаджваць, ✂.

|| наз. аграмаджанне, ✂.

аграма́дны, ✂.

Вельмі вялікі.

• А. дом.

аграні́ць, ✂; зак. (спец.).

Апрацаваць, зрабіўшы гранёным.

• А. хрусталь.

|| незак. аграньваць, ✂.

|| наз. агранка, ✂ і аграньванне, ✂.