Verbum

агрэ́ст, ✂, м.

Калючая садовая кустовая расліна з кісла-салодкімі буйнымі ягадамі, а таксама ягады гэтай расліны.

|| прым. агрэставы, ✂.

• Агрэставае варэнне.

агрэ́х, ✂, м.

1. Дрэнна ўзараная або прапушчаная пры ворыве, сяўбе лапіна на полі.

   • Араць без агрэхаў.
   • У ворыве агрэхі — у кішэні прарэхі (прыказка).

2. перан. Усякія недаробкі, недагляд.

   • Агрэхі ў працы.

агрэ́ць, ✂; зак. (разм.).

Моцна ўдарыць; выцяць.

• А. палкай.

агу́, выкл.

1. Узаемнае акліканне з мэтай знайсці або не згубіць адзін аднаго.

   • — Агу! — чуваць у лесе.

2. Зварот да малога дзіцяці, каб забавіць яго.

   • — Агу, агу, хлопчык!

агу́зак, ✂, м. (спец.).

1. Сцягновая частка мясной тушы; азадак.

2. Скура з задняй часткі жывёліны.

|| прым. агузачны, ✂.

агу́лам, прысл. (разм.).

1. Усе разам, гуртам.

   • А. малаціць збожжа.

2. Усё адразу, цалкам (купіць, прадаць і пад.).

   • Прадаць фрукты а.

3. Неканкрэтна.

   • Разабрацца ў справе не а., а канкрэтна.

агульна...

Першая частка складаных прыметнікаў у знач.:

1. агульны для чаго-н. (што выражана другой часткай), напр. агульнасаюзны, агульнанародны;

2. уласцівы ўсім, датычыцца ўсіх, усяго, напр. агульнавядомы, агульнапрызнаны, агульнатэарэтычны.

агульнаадукацы́йны, ✂.

Які дае не спецыяльную, а агульную адукацыю.

• Агульнаадукацыйная школа.

агульнавайско́вы, ✂.

Агульны для ўсіх родаў войск, які ахоплівае ўсе роды войск.

• Агульнавайсковая падрыхтоўка.

агульнавядо́мы, ✂.

Вядомы ўсім.

• Агульнавядомая ісціна.

|| наз. агульнавядомасць, ✂.