Тлумачальны слоўнік беларускай літаратурнай мовы (2002, правапіс да 2008 г.)

Скарачэнні
абвгдеёжзійклмнопрстуфхцчшэюя

парашок, ✂, м.

  1. Дробна расцёртыя частачкі цвёрдага рэчыва.

    • Зубны п. (для чысткі зубоў).
    • Сцерці ў п. каго-н. (перан. жорстка расправіцца, звычайна як выраз пагрозы; разм.).

  2. Лекавае рэчыва пэўнай дазіроўкі ў раздробненым выглядзе.

    • Лякарства ў парашках.

|| прым. парашковы, ✂.

  • Парашковае малако (з малочнага парашку).

парашут, ✂, м.

Прыстасаванне для скачка з самалёта ці спуску грузу з купалам, які раскрываецца ў паветры.

|| прым. парашутны, ✂.

  • П. дэсант.
  • П. спорт.

парашутаваць, ✂; зак. і незак. (спец.).

Спускаючыся, паляцець (ляцець) з крайне малой скорасцю.

|| зак. спарашутаваць, ✂.

парашутызм, ✂, м.

Парашутны спорт.

  • Піянеры парашутызму.

парашутыст, ✂, м.

Чалавек, які робіць скачкі з парашутам.

|| ж. парашутыстка, ✂.

|| прым. парашутысцкі, ✂.

парашыць, ✂; зак. (разм.).

  1. Прыняць якое-н. рашэнне, рашыць.

    • Парашылі, што трэба ехаць неадкладна.
    • Ну, на чым вы тут парашылі?

  2. Падумаўшы, разважыўшы, прыйсці да якога-н. вываду.

    • Усё абгледзеўшы, мы парашылі, што нехта ўжо тут быў да нас.

парвацца, ✂; зак.

  1. Разарвацца, раздзяліцца на часткі ад нацягвання.

    • Ніткі парваліся.

  2. Стаць дзіравым, знасіцца да дзірак.

    • Панчохі парваліся.

  3. перан. Спыніцца (пра знаёмства, адносіны і пад.).

    • Сувязь з падпольшчыкамі парвалася.

парваць, ✂; зак.

  1. Разарваць або крыху падраць.

    • П. вяроўку.
    • П. адзенне.

  2. перан., з кім. Адразу, рэзка спыніць (знаёмства, адносіны і пад. з кім-н.).

    • П. дыпламатычныя адносіны.
    • П. з ранейшымі сябрамі.

◊

  • Жылы парваць (разм.) — надарвацца ад цяжкай працы.

|| незак. парываць, ✂.

парк​1, ✂, м.

Вялікі сад або пасаджаны гай з алеямі, кветнікамі і пад.

  • Разбіць п.
  • П. культуры і адпачынку.

|| прым. паркавы, ✂.

парк​2, ✂, м.

  1. Перасоўны склад для забеспячэння арміі.

    • Артылерыйскі п.
    • Гарматны п.

  2. Месца стаянкі і рамонту транспартных сродкаў.

    • Аўтобусны п.
    • Тралейбус ідзе ў п.

  3. Сукупнасць транспартных сродкаў, рухомы састаў, а таксама наогул сукупнасць машын, механізмаў і пад.

    • Аўтамабільны п.
    • П. сельскагаспадарчых машын.
    • Танкавы п.

|| прым. паркавы, ✂.