Verbum

фа назоўнік | ніякі род | нескланяльнае | спецыяльны тэрмін

Чацвёрты гук музычнай гамы, а таксама нота, якая абазначае гэты гук.

фабрыка назоўнік | жаночы род

Прамысловае прадпрыемства з машынным спосабам вытворчасці.

• Кандытарская ф.
• Ф. дзіцячых цацак.

|| прыметнік: фабрычны.

• Ф. гудок.

фабрыкаваць дзеяслоў | незакончанае трыванне

1. Вырабляць што-н. фабрычным спосабам (устарэлае).

2. пераноснае значэнне: Рабіць што-н. у вялікай колькасці і няякасна або распаўсюджваць што-н. ілжывае, фальшывае (неадабральнае).

   • Ф. дакументы.
   • Ф. злосныя плёткі.

|| закончанае трыванне: сфабрыкаваць.

|| назоўнік: фабрыкацыя і фабрыкаванне.

фабрыкант назоўнік | мужчынскі род

1. Уладальнік фабрыкі.

2. пераноснае значэнне: Той, хто фабрыкуе (у 2 знач.) што-н. (неадабральнае).

   • Фабрыканты няпраўды.

|| жаночы род: фабрыкантка.

|| прыметнік: фабрыканцкі.

фабрыкат назоўнік | мужчынскі род | спецыяльны тэрмін

Гатовы прадукт прамысловай вытворчасці.

фабрычны прыметнік

1. гл. фабрыка.

2. Выраблены на фабрыцы, не саматужна.

   • Фабрычная шафа.

3. Такі, дзе ёсць фабрыка; прамысловы.

   • Ф. гарадок.

фабула назоўнік | жаночы род | кніжнае

Сюжэтная аснова літаратурнага твора, дзе храналагічна паслядоўна адлюстроўваюцца жыццёвыя падзеі, учынкі герояў і іх лёс.

|| прыметнік: фабульны.

фаварыт назоўнік | мужчынскі род

1. Той, каму спрыяе высокапастаўленая асоба, улюбёнец уплывовай асобы.

2. У спорце: конь, коннік і каманда, якія маюць найбольшыя шансы на першынство.

|| жаночы род: фаварытка.

|| прыметнік: фаварыцкі.

фагатыст назоўнік | мужчынскі род

Музыкант, які іграе на фагоце.

фагот назоўнік | мужчынскі род

Драўляны духавы язычковы музычны інструмент нізкага тэмбру ў выглядзе доўгай канічнай трубы.

|| прыметнік: фаготны.