Verbum

святлодальнаме́р, ‑а, м.

Спец. Электрычны прыбор для вымярэння адлегласцей пры геадэзічных работах, заснаваны на вымярэнні часу распаўсюджання святла паміж пунктамі мясцовасці.

святлодрукава́нне, ‑я, н.

Друкаванне пры дапамозе святла.

святлокапі́р, ‑а, м.

Спец. Апарат для здымання копій на святлоадчувальнай паперы.

святлокапірава́льны, ‑ая, ‑ае.

Спец. Які мае адносіны да святлокапіравання. Святлокапіравальная тэхніка. Святлокапіравальны апарат.

святлокапірава́нне, ‑я, н.

Спец. Здыманне копій пры дапамозе святла.

святлолюбі́васць, ‑і, ж.

Уласцівасць святлолюбівага.

святлолюбі́вы, ‑ая, ‑ае.

Які можа добра расці і развівацца толькі ва ўмовах сонечнага святла. Святлолюбівыя пароды дрэў. Святлолюбівыя культуры.

святлолячэ́бніца, ‑ы, ж.

Лячэбніца, дзе лечаць святлом.

святлолячэ́бны, ‑ая, ‑ае.

Які мае адносіны да святлолячэння. Святлолячэбны кабінет.

святлолячэ́нне, ‑я, н.

Выкарыстанне праменяў святла (сонечнага ці штучнага) для лячэння.