падфастрыго́ўвацца, ‑аецца; незак.
Зал. да падфастрыгоўваць.
падфастрыго́ўваць, ‑аю, ‑аеш, ‑ае.
Незак. да падфастрыгаваць.
падфутбо́ліць, ‑лю, ‑ліш, ‑ліць; зак., каго-што.
Разм. Падбіць, падкінуць нагою. Падфутболіць мяч. □ — Мухамор, не баравік, ён не пойдзе ў залік! — падфутболіў маленькага круглага мухамора Васіль. Скрыпка.
падфутбо́льваць, ‑аю, ‑аеш, ‑ае.
Незак. да падфутболіць.
падфутрава́ны, ‑ая, ‑ае.
Дзеепрым. зал. пр. ад падфутраваць.
падфутрава́ць, ‑рую, ‑руеш, ‑руе; зак., што.
Падшыць футрам. Падфутраваць паліто.
падфутро́ўваць, ‑аю, ‑аеш, ‑ае.
Незак. да падфутраваць.
падфутро́ўка, ‑і, ДМ ‑роўцы, ж.
Дзеянне паводле знач. дзеясл. падфутраваць.
падхадзі́цца, ‑хаджуся, ‑ходзішся, ‑ходзіцца; зак.
Абл. Ухадзіцца. Лета было добрае, пагода спрыяла ўраджаю і рабоце. Народ падхадзіўся. Колас.
падхалі́м, ‑а, м.
Нізкі, подлы чалавек, які дагаджае, хваліць у мэтах асабістай выгады; падлізнік. — Ото душа! Ото начальнік! — Так падхалімы кожны раз Хвалілі, соладка гурчалі І грошы мірна кралі з кас. Панчанка. [Містэра Лаяна] не маглі абмануць ліслівыя позіркі, кампліменты яўных падлізаў, робленыя ўсмешкі падхалімаў. Лынькоў.