Verbum

тро́павы, ‑ая, ‑ае.

Тое, што і трапічны ​².

тро́пат, ‑у, М ‑наце, м.

Спец. Конская рысь з надскакваннем.

тро́пік, ‑а, м.

1. Уяўны круг, які праходзіць паралельна экватару на адлегласці 23°27′ па поўнач або па поўдзень ад яго. Тропік Рака. Тропік Казярога.

2. Гарачы пояс зямнога шара, размешчаны паміж экватарам і гэтым кругам.

[Грэч. tropikos.]

трос, ‑а, м.

Канат з пянькі або са стальнога дроту. Чалавек шэсць грузчыкаў завіхаліся на платформах, мацавалі станкі сталёвымі тросамі. Асіпенка.

[Гал. tros.]

тро́савы, ‑ая, ‑ае.

Які мае адносіны да троса. Тросавыя канцы. // Зроблены з троса. Тросавая лесвіца. // Які адбываецца пры дапамозе троса. Тросавае рулявое кіраванне.

трот, ‑у, М троце, м.

Від алюру, кароткая рысь у каня.

[Англ. trot.]

тро́фіка, ‑і, ДМ ‑фіцы, ж.

Спец. Уплыў нервовай сістэмы на харчаванне арганізмаў і тканак, на абмен рэчываў і жыццядзейнасць арганізма.

[Ад грэч. trophē — ежа, харчаванне.]

трох...,

гл. тры...

трохако́нны, ‑ая, ‑ае.

Які мае тры акны. Трохаконная хата.

троха́ктны, ‑ая, ‑ае.

Які складаецца з трох актаў. Трохактная камедыя.