даручэ́нне, ‑я, н.
1. Справа, даручаная каму‑н. для выканання; заданне. Партыйнае даручэнне. □ У больш тонкія пачуцці .. [шафёр] не ўваходзіў, а ведаў адно: узяў баец даручэнне, павінен выканаць. Кулакоўскі. Было яшчэ даручэнне райкома праверыць суседні калгас «Бальшавік». Дуброўскі.
2. Дакумент, які дае каму‑н. права дзейнічаць ад імя асобы, што выдала яго; даверанасць. Пакідаючы Закуцце, Ігар напісаў гаспадару даручэнне, каб той атрымаў у канторы саўгаса, як прыйдзе на гэта час, Ігараву зарплату. Ермаловіч.
дарыва́цца 1, ‑аецца; незак.
1. Незак. да дарвацца 1.
2. Зал. да дарываць 1.
дарыва́цца 2, ‑аюся, ‑аешся, ‑аецца; незак.
1. Незак. да дарыцца 2.
2. Зал. да дарываць 2.
дарыва́цца 3, ‑аюся, ‑аешся, ‑аецца.
Незак. да дарвацца 2.
дарыва́ць 1, ‑аю, ‑аеш, ‑ае.
Незак. да дарваць.
дарыва́ць 2, ‑аю, ‑аеш, ‑ае.
Незак. да дарыць 2.
дарысава́ць, ‑сую, ‑суеш, ‑суе; зак., што.
Скончыць рысаваць. Дарысаваць партрэт. // перан. Завяршыць абмалёўку (характару, вобраза і пад.). Дарысаваць вобраз. // Дапоўніць ва уяўленні што‑н. Сынава ўяўленне дарысавала да канца тое, пра што толькі збольшага сказаў бацька. Чорны.
дарысо́ўванне, ‑я, н.
Дзеянне паводле знач. дзеясл. дарысоўваць — дарысаваць.
дарысо́ўвацца, ‑аецца; незак.
Зал. да дарысоўваць.
дарысо́ўваць, ‑аю, ‑аеш, ‑ае.
Незак. да дарысаваць.
дарысо́ўка, ‑і, ДМ ‑соўцы, ж.
Дзеянне паводле знач. дзеясл. дарысоўваць — дарысаваць.
дары́цца 1, дорыцца; незак.
Зал. да дарыць 1.
дары́цца 2, ‑рыюся, ‑рыешся, ‑рыецца; зак.
Рыючы, дасягнуць якога‑н. месца. Дарыцца да карэння.
дары́ць 1, дару, дорыш, дорыць; незак.
1. што. Даваць у якасці падарунка, аддаваць бязвыплатна. Дарыць кветкі. □ Падарункі, вядома, могуць быць розныя. Гэта ўжо ў залежнасці ад матэрыяльных магчымасцей таго, хто дорыць. Лынькоў. Дзяўчаты з усмешкай Дарылі [салдатам] букеты. Танк.
2. каго. Даваць каму‑н. падарунак, падарункі; абдорваць. Дарыць маладых. // чым. Даваць каму‑н. міласціну. [Марыля:] Чым больш на жабраку торбаў, тым лепш такога дораць. Купала.
дары́ць 2, ‑рыю, ‑рыеш, ‑рые; зак., што.
Скончыць рыць; вырыць да канца ці да якога‑н. месца.