Verbum

давучы́ць, ‑вучу, ‑вучыш, ‑вучыць; зак., каго-што.

1. Правучыць каго‑н. да канца, да якога‑н. тэрміну, класа, курса і пад. Давучыць дзяцей да вясны. □ Мачыха не выгнала.. [Каці] з хаты, а карміла, апранала і нават давучыла яе. Гаўрылкін.

2. Давесці вывучэнне чаго‑н. да канца, да якой‑н. мяжы. Давучыць табліцу множання. Давучыць верш да сярэдзіны.

давы́бары, ‑аў; адз. няма.

Дадатковыя выбары куды‑н. Давыбары ў мясцовы Савет народных дэпутатаў.

давыбіра́ць, ‑аю, ‑аеш, ‑ае.

Незак. да давыбраць.

давы́браць, ‑беру, ‑бераш, ‑бера; зак., каго.

Дадаткова выбраць каго‑н. куды‑н. Давыбраць дэпутата.

давы́канаць, ‑аю, ‑аеш, ‑ае; зак., што.

Закончыць выкананне чаго‑н. Давыканаць план за паўгоддзе.

давыко́нвацца, ‑аецца; незак.

Зал. да давыконваць.

давыко́нваць, ‑аю, ‑аеш, ‑ае.

Незак. да давыканаць.

давэ́нджаны, ‑ая, ‑ае.

Дзеепрым. зал. пр. ад давэндзіць.

давэ́ндзіць, ‑джу, ‑дзіш, ‑дзіць; зак., што.

Закончыць вэнджанне чаго‑н. Давэндзіць кумпяк.

давядзе́нне, ‑я, н.

Дзеянне паводле дзеясл. даводзіць ​¹ — давесці ​¹ (у 2, 3 і 4 знач.).