Verbum

транскантынента́льны, ‑ая, ‑ае.

Які праходзіць цераз увесь кантынент, перасякае яго. Транскантынентальная чыгунка. // Які адносіцца да сувязей паміж кантынентамі. Транскантынентальны рэйс. Транскантынентальная ракета.

транскрыбі́раванне, ‑я, н.

Спец. Дзеянне паводле знач. дзеясл. транскрыбіраваць.

транскрыбі́раваны, ‑ая, ‑ае.

Дзеепрым. зал. пр. ад транскрыбіраваць.

транскрыбі́равацца, ‑руецца; незак.

Спец.

1. Падвяргацца транскрыпцыі.

2. Зал. да транскрыбіраваць.

транскрыбі́раваць, ‑рую, ‑руеш, ‑руе; зак. і незак., што.

Спец. Зрабіць (рабіць) транскрыпцыю (у 1, 2 знач.), перадаць (перадаваць) транскрыпцыяй. Транскрыбіраваць тэкст.

транскрыпцы́йны, ‑ая, ‑ае.

Спец. Які мае адносіны да транскрыпцыі (у 1, 2 знач.). Транскрыпцыйная сістэма. Транскрыпцыйныя знакі.

транскры́пцыя, ‑і, ж.

Спец.

1. Дакладная перадача на пісьме ўсіх асаблівасцей жывой гаворкі літарамі алфавіта і некаторымі спецыяльнымі знакамі. Фанетычная транскрыпцыя.

2. Тое, што і транслітарацыя. Транскрыпцыя грэчаскіх слоў лацінскімі літарамі.

3. Пераклад музычнага твора, напісанага для аднаго музычнага інструмента або голасу, для выканання другім інструментам або голасам, а таксама парафраза (у 2 знач.). Транскрыпцыя Ліста. Транскрыпцыя для флейты.

[Ад лац. transcriptio — перапісванне.]

транслі́раваны, ‑ая, ‑ае.

Дзеепрым. зал. пр. ад трансліраваць.

транслі́равацца, ‑руецца; незак.

Зал. да трансліраваць.

транслі́раваць, ‑рую, ‑руеш, ‑руе; зак. і незак., што.

Зрабіць (рабіць) трансляцыю (у 1 знач.); перадаць (перадаваць) шляхам трансляцыі. Трансліраваць канцэрт.