Verbum

ушыць, ✂; зак.

1. Прышыць, прымацаваць або зашыць унутр.

   • У. гузік.

2. Паменшыць памеры чаго-н., забраўшы лішняе ў швы.

   • У. сукенку ў таліі.

|| незак. ушываць, ✂.

|| наз. ушыўка, ✂ і ушыванне, ✂.

уюк, ✂, м.

Упакаваная паклажа, якая перавозіцца на спіне жывёлы, а таксама сумка для такой паклажы.

уюн, ✂, м.

1. Невялікая вельмі рухавая рыба з падоўжаным чэрвепадобным целам і дробнай луской.

2. перан. Пра рухавага, жвавага чалавека, звярка або пра праныру, лаўкача.

   • Віцца ўюном.
   • Гэты ў. заўсёды выкруціцца.

|| прым. уюновы, ✂.

уюрок, ✂, м.

Невялікая паўночная таежная птушка.

|| прым. уюрковы, ✂.

• Сямейства ўюрковых (наз.).

уючны, ✂.

Які служыць, прызначаны для перавозкі ўюкоў.

• Уючная жывёла.

уючыць, ✂; незак.

Класці ўюкам або нагружаць уюкам.

• У. паклажу на вярблюда.

|| зак. наўючыць, ✂.

уява, ✂, ж. (разм.).

1. Тое, што і ўяўленне.

   • Перад ім ва ўяве прамільгнулі знаёмыя вобразы.
   • Не мець уявы пра што-н.

2. Напамінак, вобраз, прымета.

   • Уявы вясны.

уявіцца, ✂; зак.

Узнікнуць ва ўяўленні або (безас.) здацца, паказацца.

• Яму ўявілася будучае.
• Мне ўявілася, што наперадзе — абрыў.

|| незак. уяўляцца, ✂.

уявіць, ✂; зак.

1. У думках скласці вобраз каго-, чаго-н.

   • У. рысы дарагога чалавека.

2. Палічыць, дапусціць.

   • Я не мог у., што ў нас магло адбыцца такое.

3. заг. у знач. пабочн. слова уяві, уяві сабе. Ужыв. для падкрэслівання чаго-н. дзіўнага, цікавага.

|| незак. уяўляць, ✂.

уяўленне, ✂, н.

1. Стварэнне ў думках вобраза каго-, чаго-н. ці ўзнаўленне ў свядомасці атрыманых раней успрыманняў, а таксама канкрэтны вобраз прадмета ці з’явы, які раней уздзейнічаў на органы пачуццяў, а ў гэты момант непасрэдна не ўспрымаецца свядомасцю.

   • Ва ўяўленні паўсталі эпізоды вайны.
   • Зрокавыя ўяўленні.

2. Псіхічны працэс, які заключаецца ў стварэнні новых вобразаў на аснове ўжо наяўных шляхам іх пераўтварэння (спец.); творчая фантазія.

   • У. мастака.

3. Разуменне, веданне чаго-н.

   • Не мець ніякага ўяўлення пра што-н.
   • Скласці сабе ў. пра што-н.