Verbum

сэтэр, ✂, м.

Парода паляўнічых даўгашэрсных сабак.

• Ірландскі с.

сюды, прысл.

У гэта месца, у гэты бок.

• Палажы с. кнігу!
• Прынясі с. граблі!

сюды-туды, прысл.

1. У той і другі бок; у розныя бакі.

   • Чалавек бегае сюды-туды з самага ранку.

2. У некаторыя месцы.

   • Трэба сюды-туды збегаць.

3. Нішто сабе, дапушчальна (разм.).

   • Днём яшчэ сюды-туды, а ў вячэрні змрок адчуваеш сябе, як у склепе.

сюжэт, ✂, м.

Сукупнасць звязаных між сабой дзеянняў, падзей, характараў і лёсаў герояў, у якіх раскрываецца асноўны змест мастацкага твора.

• Заблытаны с.

|| прым. сюжэтны, ✂.

• Сюжэтныя лініі аповесці.

сюіта, ✂, ж.

Музычны твор, які складаецца з некалькіх рознахарактарных п’ес, аб’яднаных адзінствам задумы.

|| прым. сюітны, ✂.

• С. цыкл.

сюрпрыз, ✂, м.

Нечаканасць, нечаканы падарунак.

• Вось дык с.!

|| прым. сюрпрызны, ✂.

сюсюкаць, ✂; незак. (разм.).

1. Размаўляючы, замяняць шыпячыя гукі свісцячымі.

2. перан. Падроблівацца пад дзіцячы склад думак, мову і пад.

   • Нельга с. з дзецьмі.

|| наз. сюсюканне, ✂.

сябар, ✂, м.

1. Той, хто звязаны з кім-н. сяброўствам.

   • Мой найлепшы с.

2. чаго. Прыхільнік, абаронца.

   • Сябры прыроды.

|| прым. сяброўскі, ✂.

сябе, займ.

Указвае на адносіны дзеяння да таго, хто яго ўтварае (дзейніка), адпавядаючы па сэнсу асабовым займеннікам любой асобы і ліку.

• Расказаць пра с.
• Паставіць сабе многа задач.
• Размеркаваць паміж сабою.
• Думаць пра с.

◊

• Выйсці з сябе — раззлавацца.

• Замкнуцца ў сабе — адасобіцца ад іншых.

• Не па сабе каму (разм.) — няёмка (пра стан збянтэжанасці, разгубленасці і пад.).

• Па сабе (разм.) — па свайму густу.

• Сам не ў сабе (разм.) — пра таго, хто страціў душэўны спакой.

• У сябе хто (разм.) — у сваім доме, пакоі і пад.

сябелюб, ✂, м. (разм.).

Сябелюбівы чалавек, эгаіст.