Verbum

перафразаваць, ✂; зак. і незак.

Змяніць (-няць) форму падачы чыіх-н. слоў, выслоўяў, фраз і пад.

|| незак. перафразоўваць, ✂.

|| наз. перафразоўка, ✂.

перахаваць​¹, ✂; зак.

1. Схаваць у іншым месцы.

   • П. грошы.

2. Хаваючы, зберагчы, не даць загінуць.

   • П. бульбу ў склепе.

3. Схаваць, пахаваць усё, многае.

|| незак. перахоўваць, ✂.

перахаваць​², ✂; зак.

1. Выкапаўшы з магілы, пахаваць у новым месцы.

   • П. прах.

2. Пахаваць усіх, многіх.

   • За год столькі перахавалі людзей.

|| незак. перахоўваць, ✂.

перахадзіць, ✂; зак.

1. Перабыць якую-н. пару, ходзячы ў чым-н. ці як-н.

   • П. зіму ў асеннім паліто.

2. чым. У гульнях: пайсці іначай, перамяніць ход.

   • П. пешкай.

3. Перанесці на нагах (хваробу; разм.).

   • П. грып.

4. Абысці ўсё або многа чаго-н.

   • Колькі я перахадзіў за год!
   • Усе дарогі ў наваколлі перахадзіў.

|| незак. пераходжваць, ✂.

перахапіць, ✂; зак.

1. Схапіць у час руху.

   • П. пісьмо.
   • П. ганцоў.
   • П. чый-н. позірк (перан.).

2. Схапіць, абхапіць (рукамі, вяроўкай і пад.) у якім-н. месцы або інакш.

   • П. талію поясам.

3. Сціснуць спазмай.

   • Радасць перахапіла дыханне.
   • Ад рэзкага пітва перахапіла (безас.) горла.

4. перан., што, чаго і без дапаўнення. Наспех з’есці чаго-н., перакусіць (разм.).

   • П. чаго-н. з яды.

5. перан., што, чаго і без дапаўнення. Пазычыць на кароткі час (разм.).

   • П. дзесяць рублёў.

6. перан. Перабраць меру ў чым-н. (разм. жарт.).

   • П. у вастраслоўі.

|| незак. перахопліваць, ✂ і перахапляць, ✂.

перахацецца, ✂; безас.; зак. (разм.).

Тое, што і расхацецца.

• Перахацелася есці.

перахацець, ✂; зак. (разм.).

Тое, што і расхацець.

• П. купацца.

перахваліць, ✂; зак.

Пахваліць больш, чым трэба, расхваліць.

• П. поспехі вучня.

перахвалявацца, ✂; зак.

Перажыць вельмі моцнае хваляванне.

• Перахвалявалася з-за хваробы сына.

перахваляваць, ✂; зак.

Выклікаць моцнае хваляванне ў кім-н. ці ўсхваляваць многіх.

• П. усю сям’ю.