Verbum

пазапальваць, ✂; зак.

Запаліць, прымусіць гарэць усё, многае.

• П. ліхтары.

пазапаўняць, ✂; зак.

1. Запоўніць, заняць чым-н. усё, многае.

   • П. бочкі вадой.

2. Упісаць куды-н. усе, многія звесткі.

   • П. табелі.

пазапісвацца, ✂; зак.

Запісацца ў спісы — пра ўсіх, многіх.

• Многія пазапісваліся ў атрады добраахвотнікаў.

пазапісваць, ✂; зак.

1. Запісаць, занесці на паперу ўсё, многае.

   • П. свае думкі.

2. Запісаць, нанесці на плёнку, пласцінку ўсё, многае.

   • П. песні на плёнку.

3. Унесці ў спіс, рэестр і пад. усіх, многіх ці ўсё, многае; уключыць у лік каго-н. усіх, многіх.

   • П. прозвішчы ў спіс.
   • П. у сведкі.

пазапіхаць, ✂ і пазапіхваць, ✂; зак.

Запхнуць куды-н. усё, многае або ўсіх, многіх.

• П. мох у шчыліны.

пазапланавы, ✂.

Які не ўваходзіць у план, які выконваецца звыш плана.

• Пазапланавае заданне.

|| наз. пазапланавасць, ✂.

пазаплываць​¹, ✂; зак.

Заплысці куды-н. — пра ўсіх, многіх.

• Хлопчыкі далёка пазаплывалі ад берага.

пазаплываць​², ✂; зак.

1. чым і без дапаўнення. Заплысці, пакрыцца або напоўніцца чым-н. — пра ўсё, многае.

   • Шчыліны пазаплывалі смалой.

2. Распаўнець — пра ўсіх, многіх (разм.).

   • Твары пазаплывалі тлушчам.

пазаплятаць, ✂; зак.

1. Пераплятаючы, сплесці, заплесці ўсё, многае.

   • П. косы.
   • П. дзіркі ў тыне.

2. чым. Аплятаючы, пакрыць чым-н. ўсё, многае.

   • Павукі пазапляталі куткі павуціннем.

пазапрагаць, ✂; зак.

Запрэгчы ўсіх, многіх.

• П. коней.