Verbum

прабадны́, ‑ая, ‑ое.

Спец. Які выклікае прабадзенне; які суправаджаецца прабадзеннем. Прабадная язва.

прабалбата́цца, ‑балбачуся, ‑балбочашся, ‑балбочацца; зак.

Разм. Прагаварыцца.

прабалбата́ць, ‑балбачу, ‑балбочаш, ‑балбоча; зак.

Разм.

1. Правесці некаторы час у балбатні. Гадзіну прабалбатаць.

2. што і без дап. Выдаць тайну, сакрэт.

3. што і без дап. Незразумела сказаць што‑н.

прабараба́нены, ‑ая, ‑ае.

Дзеепрым. зал. пр. ад прабарабаніць.

прабараба́ніць, ‑ню, ‑ніш, ‑ніць; зак.

1. Утварыць гук, падобны да гуку барабане. Капыты жарабка прабарабанілі па насланых на пераездзе шпалах. Федасеенка.

2. што і без дап. Барабаніць некаторы час.

прабаразні́ць, ‑ню, ‑ніш, ‑ніць; зак., што.

Зрабіць баразну, правесці баразну.

прабаранава́ны, ‑ая, ‑ае.

Дзеепрым. зал. пр. ад прабаранаваць.

прабаранава́ць, ‑ную, ‑нуеш, ‑нуе; зак., што.

1. Апрацаваць бараной узараную зямлю. Прабаранаваць поле.

2. і без дап. Баранаваць некаторы час. Прабаранаваць увесь дзень.

прабарано́ўвацца, ‑аецца; незак.

Зал. да прабараноўваць.

прабарано́ўваць, ‑аю, ‑аеш, ‑ае.

Незак. да прабаранаваць (у 1 знач.).