падру́львацца, ‑аецца; незак.
Зал. да падрульваць.
падру́льваць, ‑аю, ‑аеш, ‑ае.
Незак. да падруліць.
падрумя́нены, ‑ая, ‑ае.
1. Дзеепрым. зал. пр. ад падрумяніць.
2. у знач. прым. Які падпёкся, стаў румяным. Неўзабаве гаспадыня ўвайшла з боханам свежага падрумяненага хлеба. Пальчэўскі.
падрумя́ніцца, ‑нюся, ‑нішся, ‑ніцца; зак.
1. Падфарбаваць сабе твар румянамі.
2. (1 і 2 ас. не ўжыв.). Пекучыся, смажачыся, стаць румяным, падпечаным. Булкі падрумяніліся.
падрумя́ніць, ‑ню, ‑ніш, ‑ніць; зак., каго-што.
1. Злёгку падфарбаваць румянамі. Падрумяніць шчокі.
2. Пекучы, смажачы, зрабіць румяным, падпечаным. Падрумяніць мяса.
падрумя́ньвацца, ‑аюся, ‑аешся, ‑аецца; незак.
1. Незак. да падрумяніцца.
2. Зал. да падрумяньваць.
падрумя́ньваць, ‑аю, ‑аеш, ‑ае.
Незак. да падрумяніць.
падруча́цца, ‑аюся, ‑аешся, ‑аецца.
Незак. да падручыцца.
падру́чнік 1, ‑а, м.
Кніга, па якой вывучаюць які‑н. прадмет. [Ігнат] прыходзіў зрэдку да .. [знаёмых] у хату папрасіць якога-небудзь падручніка. Пасля работы ён наведваў вячэрнюю сярэднюю школу. Лынькоў. Знайшоўшы ў сына гаспадыні падручнік па геаграфіі,.. [Саша] раскрыла карту, паглядзела на Кольскі паўвостраў і жахнулася яшчэ больш. Шамякін.
падру́чнік 2, ‑а, м.
Спец. Падстаўка, апора для інструмента на такарным станку.
падру́чны, ‑ая, ‑ае.
1. Які знаходзіцца пад рукамі, заўсёды ёсць. Уздоўж сцен — два ложкі, зробленыя з падручнага матэрыялу. Крапіва.
2. Які выконвае падсобную работу. Падручныя рабочыя. / у знач. наз. падру́чны, ‑ага, м. Салдату далі двух падручных капаць ямы, ён жа садзіў шчэпы. Чорны.