Verbum

дэхка́нскі, ‑ая, ‑ае.

Які мае адносіны да дэхканіна, належыць яму. Дэхканская гаспадарка.

дэхларава́цца, ‑руецца; незак.

Зал. да дэхлараваць.

дэхларава́ць, ‑рую, ‑руеш, ‑руе; зак. і незак., што.

Правесці (праводзіць) дэхларацыю. Дэхлараваць ваду.

дэхлара́цыя, ‑і, ж.

Выдаленне хлору з арганічных злучэнняў, якія змяшчаюць у сабе хлор.

дэцы...

Першая састаўная частка складаных слоў; абазначае дзесятую долю той меры, якая названа ў другой частцы, напрыклад: дэцыграм, дэцылітр.

[Ад лац. decem — дзесяць.]

дэ́цыма, ‑ы, ж.

1. Інтэрвал паміж першай і дзесятай ступенямі дыятанічнай гамы. // Дзесятая ступень дыятанічнай гамы.

2. Страфа з дзесяці радкоў.

[Ад лац. decima — дзесятая.]

дэцыма́льны, ‑ая, ‑ае.

Дзесятковы.

•••

Дэцымальная вага гл. вага.

Дэцымальная сістэма класіфікацыі гл. сістэма.

[Лац. decimalis.]

дэцыме́тр, ‑а, м.

Адзінка даўжыні, роўная адной дзесятай долі метра.

дэцэнтралізава́цца, ‑зуецца; незак.

Зал. да дэцэнтралізаваць.

дэцэнтралізава́ць, ‑зую, ‑зуеш, ‑зуе; зак. і незак., што.

Правесці (праводзіць) дэцэнтралізацыю. Дэцэнтралізаваць кіраўніцтва.