дыста́нцыя, ‑і, ж.
1. Адлегласць. Адысці на пэўную дыстанцыю. Страляць з блізкай дыстанцыі. □ Човен рушыў з болей блізкай дыстанцыі. Колас. // Адлегласць паміж стартам і фінішам. Паўлік рвануўся ад Андрэйкавых варот дамоў з такою сілаю, што можна было падумаць, нібы ён браў старт па бегу на стометровую дыстанцыю. Краўчанка.
2. Участак адміністрацыйна-тэхнічнага падзелу чыгуначнага, шасейнага і воднага пуці. Начальнік дыстанцыі. □ Тут знаходзіцца дыстанцыя пуці, а вунь там — дыстанцыя сувязі. Васілёнак.
[Лац. distantia.]
•••
Сысці з дыстанцыі гл. сысці.
дыстрафі́чны, ‑ая, ‑ае.
Які мае адносіны да дыстрафіі. Дыстрафічны працэс.
дыстрафі́я, ‑і, ж.
Парушэнне жыўлепня тканак і органаў. Дыстрафія сардэчнай мышцы.
[Ад грэч. dys — не‑, раз- і trophe — харчаванне, жыўленне.]
дыстро́фік, ‑а, м.
Разм. Хворы на дыстрафію.
дыстро́фны, ‑ая, ‑ае.
Які мае адносіны да дыстрафіі, уласцівы ёй. Дыстрофныя змены ў органах і тканках.
дыстрыбуты́ўнасць, ‑і, ж.
Спец. Уласцівасць дыстрыбутыўнага.
дыстрыбуты́ўны, ‑ая, ‑ае.
Спец. Які мае адносіны да дыстрыбуцыі.
•••
Дыстрыбутыўны аналіз — метад лінгвістычнага даследавання, заснаваны на дыстрыбуцыі.
дыстрыбу́цыя, ‑і, ж.
Спец. Размеркаванне моўных адзінак, спалучэнні фанем, марфем і слоў, якія адпавядаюць законам дадзенай мовы.
[Англ. distribution — размеркаванне.]
дыстылява́ны, ‑ая, ‑ае.
Ачышчаны перагонкай. Дыстыляваная вада.
дыстылява́цца, ‑люецца; незак.
Зал. да дыстыляваць.