Verbum

сага​², нескл., н.

Крупы з крухмалу сагавай пальмы, а таксама штучныя крупы з кукурузнага або бульбянога крухмалу.

|| прым. сагавы, ✂.

сагнаць, ✂; зак.

1. Гонячы, прымусіць пайсці, пабегчы, паляцець адкуль-н.

   • С. з месца.
   • С. скаціну ў лес.

2. Прымусіць сабрацца ў адно месца.

   • С. цялят на ферму.

3. Растапіць (снег).

   • Сонца сагнала снег з пагоркаў.

4. Пазбавіцца ад чаго-н.; знішчыць.

   • С. бародаўку.
   • С. вагу.

◊

• Сагнаць ахвоту (разм.) — задаволіць жаданне, нацешыцца чым-н.

• Сагнаць злосць на кім (разм.) — даць выхад сваёй зласлівасці, дрэннаму настрою.

|| незак. зганяць, ✂.

|| наз. згон, ✂ і згонка, ✂.

сагравальны, ✂.

Які сагравае, служыць для сагравання.

• С. кампрэс.

сагрэцца, ✂; зак.

1. Сагрэць сябе, сваё цела.

   • С. ў хаце ля печы.

2. Стаць гарачым, цёплым; нагрэцца.

   • Вада ў печы сагрэлася.

3. перан. Падабрэць ад добрых, сардэчных слоў, адносін.

   • Ад добрай парады сагрэлася душа.

|| незак. сагравацца, ✂.

|| наз. саграванне, ✂.

сагрэць, ✂; зак.

1. Зрабіць цёплым, гарачым.

   • С. малако.
   • Сонца сагрэла зямлю.

2. Перадаць каму-, чаму-н. сваю цеплыню.

   • С. дзіця на руках.
   • С. сваёй дабратой (перан.).

|| незак. саграваць, ✂.

|| наз. саграванне, ✂.

сад, ✂, м.

1. Участак зямлі, засаджаны дрэвамі, кустамі, кветкамі.

   • Фруктовы с.
   • Батанічны с. (такі, у якім з навуковай мэтай вырошчваюць розныя расліны).
   • Зімні с. (спецыяльнае памяшканне для кветак, раслін).

2. Тое, што і дзіцячы сад.

   • Забраць з сада дзяцей.

◊

• Дзіцячы сад — выхаваўчая ўстанова для дзяцей дашкольнага ўзросту.

|| памянш. садок, ✂ і садзік, ✂.

|| прым. садовы, ✂.

◊

• Галава садовая (разм. неадабр.) — пра някемлівага, неразумнага чалавека, разяву.

садавіна, ✂, ж., зб.

Плады садовых дрэў.

• Купіць свежай садавіны.

садавод, ✂, м.

Спецыяліст па садаводству; чалавек, які разводзіць сад, сады.

садаводства, ✂, н.

1. Развядзенне садоў як галіна раслінаводства.

2. Асобная гаспадарка, занятая развядзеннем садовых культур.

|| прым. садаводчы, ✂.

садануць, ✂; зак. і аднакр. (разм.).

1. З размаху ўсадзіць што-н. вострае.

   • С. нож у дрэва.

2. чым і без дапаўнення. Моцна ўдарыць.

   • С. кулаком у бок.
   • С. з ружжа (выстраліць).