Verbum

маёўка, ✂, ж.

1. У дарэвалюцыйнай Расіі: нелегальны сход рабочых у дзень 1-га Мая.

2. Вясенняя загарадная прагулка, гулянне на ўлонні прыроды.

   • Выехаць на маёўку.

мажарытарны, ✂:

• мажарытарная сістэма (спец.) — сістэма выбараў, пры якой у лік выбраных трапляюць кандыдаты партыі, што атрымала большасць галасоў у дадзенай акрузе.

мажджэр, ✂, м. (разм.).

Металічны таўкач.

мажджэрыць, ✂; незак. (разм.).

Драбіць, таўчы, раздрабляць.

мажлівы, ✂ (разм.).

Тое, што і магчымы.

|| наз. мажлівасць, ✂.

мажнець, ✂; незак. (разм.).

Станавіцца тоўстым, мажным.

• З гадамі пачынаю м.

|| зак. памажнець, ✂.

мажны, ✂.

Дзябёлы, поўны, моцнага целаскладу.

• М. мужчына.

мажор, ✂, м.

1. Музычны лад бадзёрай, радаснай гукавой афарбоўкі, акорд якога грунтуецца на вялікай тэрцыі (спецыяльны тэрмін).

2. перан. Вясёлы, радасны настрой (разм.).

   • Быць у мажоры.

|| прым. мажорны, ✂.

• М. тон.
• М. настрой.

мазаіка, ✂, ж.

Узор або малюнак з рознакаляровых кавалачкаў шкла, дрэва, мармуру і пад., шчыльна падагнаных адзін да аднаго.

• М. жыцця (перан.).

|| прым. мазаічны, ✂.

• Мазаічная карціна.

мазаніна, ✂, ж.

Тое, што і мазня.