Verbum

фотаальбо́м, ‑а, м.

Альбом для фатаграфій. Збор гербарыяў і калекцый насякомых, падрыхтоўка фотаальбомаў — так вызначыла мэту паходу важатая школы Ніна Іванаўна. Краўчанка.

фотаама́тар, ‑а, м.

Той, хто займаецца фатаграфіяй як аматар. Радзівон Ксенафонтавіч быў вельмі ўзрушаны. Такім і атрымаўся ён на здымку, які нашы фотааматары зрабілі з дапамогаю бліца. Шыловіч.

фотаама́тарскі, ‑ая, ‑ае.

Які мае адносіны да фотааматара. Фотааматарскі гурток.

фотаама́тарства, ‑а, н.

Дзейнасць, занятак фотааматараў.

фотаапара́т, ‑а, М ‑раце, м.

Фатаграфічны апарат. У светлы край, за далягляд Плыло сівых аблокаў веча. І пстрыкнуў фотаапарат. І нас усіх увекавечыў. Дайнека.

фотаапарату́ра, ‑ы, ж., зб.

Прыстасаванне апараты, неабходныя для фатаграфавання; апаратура для фатаграфіі (у 1 знач.).

фотаатэлье́, нескл., н.

Атэлье, дзе робяць па заказу Фотаздымкі і фатаграфіі; фатаграфія (у 3 знач.).

фотабактэ́рыя, ‑і, ж.

Бактэрыя, якая выдзяляе рэчыва, што свеціцца пры злучэнні яго з кіслародам і служыць адной з прычын свячэння вады і рыб.

фотавітры́на, ‑ы, ж.

Вітрына, прызначаная для фатаграфій (у 2 знач.). Прыцягвае ўвагу фотавітрына прадукцыі Мінскага аўтазавода. «Беларусь».

фотавы́стаўка, ‑і, ДМ ‑таўцы; Р мн. ‑тавак; ж.

Збор фатаграфій, выстаўленых для агляду, а таксама месца, дзе яны выстаўлены. Стэнды фотавыстаўкі.