Verbum

прамтава́рны, ‑ая, ‑ае.

Які мае адносіны да прамтавараў; звязаны з продажам, захаваннем прамтавараў. Прамтаварны магазін. Прамтаварная база.

прамтава́ры, ‑аў; адз. няма.

Агульная назва асноўных прамысловых тавараў бытавога спажывання (тканіны, абутку, адзення і пад.). Продаж прамтавараў.

праму́драсць, ‑і, ж.

1. Уст. Глыбокая, вышэйшая мудрасць.

2. чаго. Разм. жарт., іран. Што‑н. цяжкае для разумення, засваення. Ніхто лепш за .. [Рэню] не разбіраўся ў каварных нетрах алгебры і іншых прамудрасцях дакладных навук. Лынькоў. У душы я паабяцаў .. [дзядзьку] старацца як мага лепш, каб авалодаць усёй прамудрасцю правапісання. Дамашэвіч.

праму́дры, ‑ая, ‑ае.

1. Уст. Які валодае высокай мудрасцю, вельмі мудры. Прамудры чалавек.

2. Разм. жарт., іран. Цяжкі для разумення, засваення, мудрагелісты.

праму́ркаць, ‑аю, ‑аеш, ‑ае; зак.

1. Абазвацца мурканнем.

2. Муркаць некаторы час.

прамурлы́каць, ‑аю, ‑аеш, ‑ае; зак.

1. Абазвацца мурлыканнем, мурканнем. Кот прамурлыкаў.

2. Мурлыкаць некаторы час.

праму́чыцца, ‑чуся, ‑чышся, ‑чыцца; зак.

Разм.

1. Зведаць муку, мучэнні.

2. Мучыцца некаторы час.

праму́чыць, ‑чу, ‑чыш, ‑чыць; зак., каго.

Разм.

1. Памучыць, прымусіць мучыцца.

2. Мучыць некаторы час.

прамуштрава́ць, ‑рую, ‑руеш, ‑руе; зак., каго.

1. Вымуштраваць.

2. Муштраваць некаторы час.

прамфінпла́н, ‑а, м.

Прамыслова-фінансавы план прадпрыемства. Радавы прамфінплан.