Verbum

амярцві́ць, ‑влю, ‑віш, ‑віць; зак., каго-што.

1. Выклікаць амярцвенне клетак, тканак і пад.

2. перан. Пазбавіць цікавага, жывога зместу. Амярцвіць цікавую справу.

3. перан. Пакінуць без выкарыстання, ужывання. Амярцвіць капітал.

амяшча́ніцца, ‑нюся, ‑нішся, ‑ніцца; зак.

Зрабіцца мешчанінам, абывацелем.

амяшча́ньвацца, ‑аюся, ‑аешся, ‑аецца.

Незак. да амяшчаніцца.

ан..., прыстаўка

гл. а ​²...

...ана,

Другая частка складана-скарочаных слоў, якая сама з’яўляецца скарачэннем слоў: аддзел народнай асветы, напрыклад: райана, гарана, аблана.

анабапты́зм, ‑у, м.

Рэлігійны рух, які пачаўся ў Германіі ў 16 ст. супраць афіцыйнай царквы і яе догматаў і набыў форму сацыяльная пратэсту супраць феадальнага прыгнёту.

[Ад грэч. anabaptizo — зноў хрышчу.]

анабапты́ст, ‑а, М ‑сце, м.

Паслядоўнік анабаптызму.

анабапты́стка, ‑і, ДМ ‑тцы; Р мн. ‑так; ж.

Жан. да анабаптыст.

анабапты́сцкі, ‑ая, ‑ае.

Які мае дачыненне да анабаптызму і анабаптыста. Анабаптысцкі рух.

анабіёз, ‑у, м.

Часовае запаволенне або спыненне жыццёвых працэсаў у арганізме пад уплывам неспрыяльных умоў (напрыклад, пры ахаладжэнні, адсутнасці вады).

[Ад грэч. anabiosis — ажыўленне.]