Verbum

паразбяга́цца, ‑аецца; ‑аемся, ‑аецеся, ‑аюцца; зак.

Разбегчыся — пра ўсіх, многіх. Цяпер дзед жыў адзін — усе паразбягаліся ад яго. Колас. Студэнты паразбягаліся з інтэрната пасля першай бамбёжкі. Арабей.

паразважа́ць, ‑аю, ‑аеш, ‑ае; зак.

Разважаць некаторы час. [Іван] падумаў, паразважаў, а пасля.. паверыў, што і ён можа стаць чалавекам. Быкаў. Хлопцы на хвіліну затрымаліся на раздарожжы, паразважалі, па якой [дарозе] пайсці, а потым рашылі: вось гэта вядзе прама на поўдзень, трэба сюды. Новікаў.

паразва́львацца, ‑аецца; ‑аемся, ‑аецеся, ‑аюцца; зак.

Разваліцца — пра ўсё, многае або пра ўсіх, многіх.

паразва́льваць, ‑аю, ‑аеш, ‑ае; зак., што.

Разваліць усё, многае. Паразвальваць сцены.

паразва́рваны, ‑ая, ‑ае.

Дзеепрым. зал. пр. ад паразварваць.

паразва́рвацца, ‑аецца; зак.

Разварыцца — пра ўсё, многае.

паразва́рваць, ‑аю, ‑аеш, ‑ае; зак., што.

Разварыць усё, многае.

паразваро́чвацца, ‑аецца; зак.

Развярнуцца — пра ўсё. многае.

паразваро́чваць, ‑аю, ‑аеш, ‑ае; зак., што.

Развярнуць усё, многае. Паразварочваць сцены.

паразве́йвацца, ‑аецца; зак.

Развеяцца — пра ўсё, многае.