неправо́днасць, ‑і, ж.
Спец. Няздольнасць праводзіць электрычнасць і цяпло.
непрагля́днасць, ‑і, ж.
Уласцівасць непрагляднага.
непрагля́дны, ‑ая, ‑ае.
Такі цёмны або густы, што нічога нельга разгледзець. Непраглядны туман. □ А калі святло гасла, цемра наступала на наваколле непрагляднай сцяной. Хадкевіч. За вокнамі стаяў густы, непраглядны змрок. Гамолка. Замест алешніку над галавой спляталі непраглядны шацёр шурпатыя бярозы і сосны. Кірэйчык. // перан. Бязрадасны. Будучыня здалася .. [Людміле] такой жа непрагляднай, як і гэтая цемра на вышках. Асіпенка.
непрадба́чанасць, ‑і, ж.
Уласцівасць непрадбачанага. Непрадбачанасць выдаткаў.
непрадба́чаны, ‑ая, ‑ае.
Такі, якога нельга было прадбачыць; нечаканы. Непрадбачаныя акалічнасці. □ План планам, а ў час працы — Шульга добра ведае гэта — абавязкова .. вынікне столькі нечаканасцей і розных непрадбачаных перашкод, што калі не праявіць кемлівасці, то можна моцна адстаць. Краўчанка. І імчыць зялёны легкавічок за вёску, у непрадбачаны рэйс... Ракітны. / у знач. наз. непрадба́чанае, ‑ага, н. І раптам, калі работа падыходзіла ўжо да канца, здарылася непрадбачанае. Данілевіч.
непрадба́члівасць, ‑і, ж.
Уласцівасць непрадбачлівага; адсутнасць прадбачлівасці.
непрадба́члівы, ‑ая, ‑ае.
Які не прадбачыць магчымых вынікаў; недальнабачны. Непрадбачлівы чалавек.
непрадугле́джаны, ‑ая, ‑ае.
Такі, якога нельга было прадугледзець. Непрадугледжаныя цяжкасці. // Не дазволены афіцыйна. Непрадугледжаны законам.
непрадузя́тасць, ‑і, ж.
Уласцівасць непрадузятага; адсутнасць прадузятасці. Непрадузятасць думкі.
непрадузя́ты, ‑ая, ‑ае.
Вольны ад прадузятасці; справядлівы. Непрадузяты крытык.