Verbum

расшыфро́ўвацца, ‑аецца; незак.

Зал. да расшыфроўваць.

расшыфро́ўваць, ‑аю, ‑аеш, ‑ае.

Незак. да расшыфраваць.

расшыфро́ўка, ‑і, ДМ ‑ўцы, ж.

Дзеянне паводле знач. дзеясл. расшыфроўваць — расшыфраваць.

расшыфро́ўшчык, ‑а, м.

Спецыяліст па расшыфроўцы.

расшыфро́ўшчыца, ‑ы, ж.

Жан. да расшыфроўшчык.

расшы́цца, ‑шыецца; зак.

Распароцца (пра што‑н. сшытае). Кніга расшылася. Шво расшылася.

расшы́ць, ‑шыю, ‑шыеш, ‑шые; зак., што.

1. Распароць сшытае. Расшыць кнігу. Расшыць торбу. □ [Юрка] расшыў адзін .. край [пасылкі] і, узарваўшы фанернае вечка, заглянуў у сярэдзіну. Сіняўскі.

2. Упрыгожыць вышыўкай, вышыць. Расшыць абрус. Расшыць каўнер у сарочцы.

3. Спец. Выраўняць, зрабіць гладкім (састаў у швах муроўкі).

расшэ́йгаць, ‑аю, ‑аеш, ‑ае; зак., што.

Разм. Марна растраціць, растранжырыць. Расшэйгаць грошы.

рася́нка, ‑і, ДМ ‑нцы; Р мн. ‑нак; ж.

Травяністая балотная насякомаедная расліна сямейства расянкавых.

рася́нкавыя, ‑ых.

Сямейства шматгадовых насякомаедных раслін.