Verbum

даўноміну́лы, ‑ая, ‑ае.

Які існаваў, адбыўся ў далёкім мінулым. Даўномінулыя падзеі.

•••

Даўномінулы час гл. час.

даўны́м-даўно́, прысл.

Разм. Вельмі даўно. Даўным-даўно, яшчэ пры панах, на беразе Зялёнага возера стаяў прыгожы маёнтак. Ваданосаў. Некалі, даўным-даўно, жыў у адной вёсцы працавіты селянін Саўка. С. Александровіч.

даўню́тка, прысл.

Разм. Даволі даўно. — Даўнютка мы з табою не хадзілі вось так, удвух, — сказаў .. [Кашын], як ішлі з прахадной. Карпаў.

дафарбава́ць, ‑бую, ‑буеш, ‑буе; зак., што.

Скончыць фарбаванне, афарбоўку чаго‑н.; афарбаваць да якога‑н. месца. Дафарбаваць падлогу. Дафарбаваць столь да сярэдзіны.

дафарбо́ўвацца, ‑аецца; незак.

Зал. да дафарбоўваць.

дафарбо́ўваць, ‑аю, ‑аеш, ‑ае.

Незак. да дафарбаваць.

дафарбо́ўка, ‑і, ДМ ‑боўцы, ж.

Дзеянне паводле знач. дзеясл. дафарбоўваць — дафарбаваць.

дафастрыгава́ць, ‑гую, ‑гуеш, ‑гуе; зак., што.

Скончыць фастрыгаванне чаго‑н. Дафастрыгаваць блузку.

дафастрыго́ўваць, ‑аю, ‑аеш, ‑ае.

Незак. да дафастрыгаваць.

дафеада́льны, ‑ая, ‑ае.

Які адносіцца да часу, што папярэднічаў узнікненню феадалізму. Дафеадальная эпоха.