Verbum

унутры́, прысл. і прыназ.

1. прысл. У сярэдзіне, у межах. [Маёр:] У мяне ўсё кіпіць унутры. І я ледзьве стрымліваюся... Кучар. Валодзя асцярожна заглянуў у адтуліну, але ўнутры было чорна і нічога не відаць. Арабей.

2. прыназ. з Р. У сярэдзіне, у межах чаго‑н. Доўга яшчэ гудзелі трубным гулам басы ўнутры раяля. Хомчанка.

унутры...

Першая састаўная частка складаных слоў, якая адпавядае слову «унутраны», напрыклад: унутрыатамны, унутрывідавы, унутрыкласавы, унутрыпартыйны.

унутрыа́тамны, ‑ая, ‑ае.

Які адбываецца ўнутры атама. Унутрыатамны працэс. Унутрыатамная энергія.

унутрыве́нны, ‑ая, ‑ае.

Які ўводзіцца ўнутр вены. Унутрывеннае ўліванне.

унутрывідавы́, ‑ая, ‑ое.

Які адбываецца ўнутры віду. Унутрывідавая барацьба.

унутрыгаліно́вы, ‑ая, ‑ае.

Які мае адносіны да асобнай галіны (гаспадаркі), які існуе ўнутры яе. Унутрыгаліновае планаванне.

унутрыкалга́сны, ‑ая, ‑ае.

Які адбываецца ў межах калгаса. Унутрыкалгасны абарот прадукцыі.

унутрымы́шачны, ‑ая, ‑ае.

Які ўводзіцца ўнутр мышцы. Унутрымышачны ўкол.

унутрыпарты́йны, ‑ая, ‑ае.

Звязаны з унутраным жыццём, дзейнасцю партыі. Унутрыпартыйная дэмакратыя.

унутрысаю́зны, ‑ая, ‑ае.

Які знаходзіцца, адбываецца ўнутры, у межах саюза. Унутрысаюзны гандаль. Унутрысаюзная дысцыпліна.