Verbum

мегрэ́лы, ‑аў; адз. мегрэл, ‑а, м.; мегрэлка, ‑і, ДМ ‑лцы; мн. мегрэлкі, ‑лак; ж.

Грузіны Заходняй Грузіі, якія складаюць асобную этнаграфічную групу; мінгрэлы.

мегрэ́льскі, ‑ая, ‑ае.

Які мае адносіны да мегрэлаў належыць ім.

мед...

Першая састаўная частка складанаскарочаных слоў, якая адпавядае па значэнню слову «медыцынскі», напрыклад: медрабатнік, медсястра.

меда... (гл. мёда...).

Першая састаўная частка складаных слоў; ужываецца замест «мёда»..., калі націск падае на першы склад другой часткі слова, напрыклад: медазбор, меданосны, медагонка.

медава́р, ‑а, м.

Той, хто займаецца мёдаварэннем.

медава́рны, ‑ая, ‑ае.

Які мае адносіны да мёдаварэння.

медава́рня, ‑і, ж.

Памяшканне, дзе вараць мёд (у 2 знач.).

медаву́ха, ‑і, ДМ ‑вусе, ж.

Разм. Хмельны напітак з мёду. Гаспадар наліваў у шклянку то самагонкі, моцнай, як агонь, то медавухі, то віна. Сабаленка.

медагля́д, ‑у, М ‑дзе, м.

Медыцынскі агляд. Прайсці медагляд.

медаго́нка, ‑і, ДМ ‑нцы; Р мн. ‑нак; ж.

Машына для выдалення мёду з сотаў.