разлі́пнуцца, ‑нецца; пр. разліпся, ‑лася; зак.
Разм. Разысціся, расклеіцца (пра тое, што зліплася). Лісты разліпліся.
разлітава́цца, ‑туецца; зак.
Уст. Распаяцца.
разлітава́ць, ‑тую, ‑туеш, ‑туе; зак., што.
Уст. Распаяць.
разліто́ўванне, ‑я, н.
Уст. Дзеянне паводле знач. дзеясл. разлітоўваць — разлітаваць.
разліто́ўвацца, ‑аецца; незак.
1. Незак. да разлітавацца.
2. Зал. да разлітоўваць.
разліто́ўваць, ‑аю, ‑аеш, ‑ае.
Незак. да разлітаваць.
разлі́ты, ‑ая, ‑ае.
Дзеепрым. зал. пр. ад разліць.
разлі́ў, ‑ліву, м.
1. Дзеянне паводле дзеясл. разліваць — разліць (у 2 знач.).
2. Дзеянне і стан паводле дзеясл. разлівацца — разліцца (у 2, 3 і 4 знач.). І ў гэтым разліве пяшчоты, дзіцячай ласкі .. [Галя] адчула, што ўжо не можа быць без яго, без хлопчыка, які ёй стаў такі родны. Сабаленка.
3. Выхад з берагоў ракі, возера; паводка. Мне не часта даводзілася бачыць Дняпро ў час яго разліву, ды яшчэ ў такую слаўную ранішнюю пару... Ракітны. // Веснавая вада, а таксама прастора, залітая вадой. [Раўбіч:] — Паколькі пачнём вясной, а разліў .. часам дасягае шасці вёрст ушыркі — гэта дасць вам неабходны спакой на той час, пакуль мы будзем наводзіць парадак. Караткевіч. Пешаходы сцішалі свае таропкія крокі, спыняліся на мосце і, любуючыся шырокім разлівам, прыслухоўваліся: ні то гэта шуміць веснавая вада, ні то тое новае, што ідзе разам з вясной. Шахавец.
разлі́ўка, ‑і, ДМ ‑ліўцы; ж.
Дзеянне паводле дзеясл. разліваць — разліць (у 2 знач.).
разліўны́, ‑ая, ‑ое.
1. Які служыць, прызначаны для разліву (у 1 знач.). Разліўная машына.
2. Які прадаецца на разліў (у 1 знач.); які наліваецца ў пасуду пакупнікоў. Разліўное малако. Разліўное піва.