Verbum

звяры́нец Абгароджаная частка лясной пушчы, дзе ўтрымліваліся звяры для «ловаў», палявання (АЛМ I, 674).

□ х. Звярынец Маладз.

калдо́ўбіна Прырэчная яма на лузе, круглая ўпадзіна, дзе падоўгу або заўсёды стаіць вада (Касц., Краснап. Бяльк., Слаўг.).

канцы́ Месца, дзе здабывалі попел і паташ (Бых. Рам. 1912, 3).

□ в. Канцы Бых. (Рам. 1912, 3).

кілі́ш Малы кар'ер, дзе ўручную нарыхтоўваюць торф на паліва (Шчуч.).

□ ур. Кілішы́ (балота) каля в. Юшкі Шчуч.

ле́дніца Месца, дзе зімой нарыхтоўваюць лёд (Уш.).

□ ур. Ле́дніца (месца каля возера) недалёка ад в. Чарсвяны Уш.

падзамёцішча Месца каля агароджы з бярвенняў або дзе стаяў замёт (Ветк., Слаўг.). Тое ж пудзумёцічча, падзамёцічча (Слаўг.).

падо́нне Подсціл, памост, месца, дзе стаяў стог сена (Слаўг.). Тое ж падонкі, падонь (Слаўг.).

□ в. Падонкі Маладз.

патало́чышча Месца, дзе адпачываў чалавек (Мін., Я. Колас, т. 6, 1952, 279). Тое ж паталоча, поталач (Слаўг.).

прудзі́шча Месца, дзе быў ставок з млынам (Паст., Слаўг.). Тое ж пру́дзішча (Нас. АУ).

□ в. Прудзішчы Смал.

пчальні́к Месца, дзе стаяць вуллі з пчоламі (БРС). Тое ж пчэ́льня (Кузн. Касп., Слаўг.).

□ в. Пчэльня Слаўг.