высокатава́рны, ‑ая, ‑ае.
Які дае вялікую колькасць таварнай прадукцыі. Высокатаварная гаспадарка.
высокаталенаві́ты, ‑ая, ‑ае.
Вельмі таленавіты.
высокатрыва́лы, ‑ая, ‑ае.
Вельмі трывалы; моцны. Высокатрывалы клей.
высокатэхні́чны, ‑ая, ‑ае.
Які знаходзіцца на высокім тэхнічным узроўні.
высокаўраджа́йны, ‑ая, ‑ае.
Які вызначаецца высокай ураджайнасцю. Высокаўраджайны сорт пшаніцы.
высокаўрадлі́вы, ‑ая, ‑ае.
Які забяспечвае высокі ўраджай. Высокаўрадлівыя землі.
высокачасто́тны, ‑ая, ‑ае.
Які адносіцца да токаў высокай частаты. Высокачастотны генератар. Высокачастотны нагрэў.
высокашано́ўны, ‑ая, ‑ае (звычайна ў звароце да каго‑н.).
Які заслугоўвае вялікай пашаны; высокапаважаны.
высокашыро́тны, ‑ая, ‑ае.
Які мае адносіны да высокіх шырот, знаходзіцца ў высокіх шыротах.
высо́кі, ‑ая, ‑ае.
1. Вялікі, працяглы знізу ўверх; проціл. нізкі. Высокі дом. □ На парозе паказаўся высокі стары ў цёмнай кашулі,.. з люлькаю ў зубах. Якімовіч. Велізарны, высокі, ясна асветлены зал быў перапоўнены. Самуйлёнак. Над намі шушукаюцца высокія гордыя хвоі. Бядуля. // Які знаходзіцца на значная вышыні над узроўнем мора. Высокая мясцовасць. Высокія горы.
2. Значна большы за сярэднюю норму. Высокія тэмпы развіцця. Высокі ўраджай. Высокая тэмпература. □ Напярэдадні майскага свята механічны цэх.. узяў самыя высокія абавязацельствы. Шыцік.
3. Добры па якасці; выдатны. Высокае майстэрства. Высокая культура. Высокая тэхніка.
4. Выдатны па свайму значэнню, вельмі важны; пачэсны, шаноўны. Высокая ўзнагарода, пасада. Высокі гонар. Высокі госць.
5. Поўны глыбокага значэння, незвычайны па свайму зместу. Высокія ідэі. Высокая мэта. □ Напоўнены сэрцы Пачуццём высокім; Нас гордасць шугае Патокам глыбокім. Колас.
6. Вытанчаны, рафінаваны. Высокае мастацтва. Высокая культура.
7. Тонкі, рэзкі (пра гукі). Высокі голас. Высокая нота. □ З дынаміка пачуліся перарывістыя гукі: то высокія, то нізкія. Шыцік. З кузні ляцеў звон сухі, высокі. Пташнікаў.
•••
Высокі стыль — стыль, уласцівы ўрачыстай паэзіі, прозе.
Высокія шыроты — шыроты, далёкія ад экватара, блізкія да полюсаў.
Птушка высокага палёту гл. птушка.