трасі́раванне 1, ‑я, н.
Дзеянне паводле знач. дзеясл. трасіраваць 1.
трасі́раванне 2, ‑я, н.
Дзеянне паводле знач. дзеясл. трасіраваць 2.
трасі́раваны 1, ‑ая, ‑ае.
Дзеепрым. зал. пр. ад трасіраваць 1.
трасі́раваны 2, ‑ая, ‑ае.
Дзеепрым. зал. пр. ад трасіраваць 2.
трасі́равацца 1, ‑руецца; незак.
Зал. да трасіраваць 1.
трасі́равацца 2, ‑руецца; незак.
Зал. да трасіраваць 2.
трасі́раваць 1, ‑рую, ‑руеш, ‑руе; зак. і незак., што.
1. Абазначыць (абазначаць) трасу (у 1 знач.). Трасіраваць водаправодную сетку. □ Андрэй стаіць ля прыбора і трасіруе шлях будучай канавы на балоце. Дуброўскі.
2. Пакінуць (пакідаць) след пры палёце (пра кулю, снарад і пад.).
трасі́раваць 2, ‑рую, ‑руеш, ‑руе; зак. і незак., што.
У фінансавай справе — перавесці (пераводзіць) выплату грошай на другую асобу.
трасіро́ўка 1, ‑і, ДМ ‑роўцы, ж.
Дзеянне паводле знач. дзеясл. трасіраваць 1.
трасіро́ўка 2, ‑і, ДМ ‑роўцы, ж.
Дзеянне паводле знач. дзеясл. трасіраваць 2.
трасі́руючы, ‑ая, ‑ае.
Які пры палёце пакідае бачны след і гэтым дапамагае весці далейшы прыцэл (пра кулю, снарад). [Мікола:] — Нам патрэбны трасіруючыя патроны. Ведаеш, такія: ляціць куля і гарыць. Федасеенка.
траска́, ‑і, ДМ ‑сцэ, ж.
Прамысловая рыба сямейства трасковых, якая водзіцца ў паўночных морах.
траскані́на, ‑ы, ж.
Разм. Траскатня. Кожны заняты сваёй справай. Часам толькі перакінуцца суседзі кароткай фразай .. І зноў толькі характэрная трасканіна апаратаў. Шынклер.
траскападо́бны, ‑ая, ‑ае.
1. Падобны на трэску.
2. у знач. наз. траскападо́бныя, ‑ых. Атрад касцістых рыб, да якога адносяцца траска, мерлуза і інш.
траскатня́, ‑і, ж.
1. Працяжны трэск, шум, стук чаго‑н. Затым пачулася траскатня матацыкла. Брыль. Усю ноч не змаўкае ў прыбярэжных зарасніках траскатня чарацянак. Самусенка.
2. перан. Бясконцая балбатня, размовы. Я ўжо ведаў — звалі яе Раісай Пятроўнай, а дасціпныя жыхары дома, за яе лёгкі язык і траскатню, далі мянушку — Райка-балалайка. Ракітны. // Пустаслоўе. [Сітнік:] — Я не прыхільнік вершаў, бо часам у іх многа фальшу і траскатні, але адзін з іх неяк сам мне ў душу ўлез. Ермаловіч. Век жыві спакойна ды разумна. Не, не так. На сэрцы — неспакой: Пішам пра сучаснікаў мы сумна — Траскатня ці жвачка са слязой. Панчанка.