Verbum

баваўнаво́дчы, ‑ая, ‑ае.

Які мае адносіны да баваўнаводства, звязаны з ім. Баваўнаводчы раён.

баваўназда́ча, ‑ы, ж.

Здача бавоўны.

баваўнаро́б, ‑а, м.

Той, хто займаецца вырошчваннем і развядзеннем бавоўны.

баваўнасе́яльны, ‑ая, ‑ае.

Які займаецца сяўбой і вырошчваннем бавоўны. Баваўнасеяльны калгас.

баваўнатка́цкі, ‑ая, ‑ае.

Які вырабляе тканіну з бавоўны. Баваўнаткацкая фабрыка.

баваўні́ца, ‑ы, ж.; зб.

Пража, ніткі з бавоўны.

баваўні́чны, ‑ая, ‑ае.

Зроблены з баваўніцы. Баваўнічная аснова.

баваўня́нка, ‑і, ДМ ‑нцы, ж.

Тканіна з бавоўны. Гандляры спрытна маталі на медны аршын вішнёвыя і белыя сукны. Свістаў, па-змяінаму павіваючыся ў паветры, шоўк. Паўзла шарсцянка, і весела бегала баваўнянка. Караткевіч.

баваўня́ны, ‑ая, ‑ае.

1. Выраблены з бавоўны. Баваўнянае валакно. Баваўняная пража, тканіна.

2. Звязаны з перапрацоўкай бавоўны як сыравіны. Баваўняная прамысловасць.

ба́венне, ‑я, н.

Разм. Гулянне, забавы. Усё цяпер адбывалася ў палацы культуры: не толькі святочныя бавенні, але і сходы, і нарады. Дуброўскі.