Verbum

бабы́лька, ‑і, ДМ ‑льцы; Р мн. ‑лек; ж.

Разм. Жан. да бабыль. Захарка неўзабаве памёр, а дочкі, акрамя Кветы, так і завекавалі ў Чыстаполі бабылькамі. Ракітны.

бабы́льскі, ‑ая, ‑ае.

Разм. Які мае дачыненне да бабыля. Зноў ліповая калыска, У якой сама [Кацярына] расла, У прыстанішчы бабыльскім Радасць мацеры дала. Броўка.

бабы́льства, ‑а, н.

Разм. Бабыльскае жыццё.

ба́ва, ‑ы, ж.

Разм. Правядзенне часу ў доўгіх адвольных гутарках, забаўляючыся, не працуючы. І вось зірнуць было цікава, Як у жанок вялася бава. Колас.

бава́рац,

гл. баварцы.

бава́рка,

гл. баварцы.

бава́рскі, ‑ая, ‑ае.

Які мае дачыненне да Баварыі, баварцаў. Баварскі лес.

бава́рцы, ‑рцаў; адз. баварац, ‑рца, м.; баварка, ‑і, ДМ ‑рцы; мн. баваркі, ‑рак; ж.

Жыхары Баварыі.

баваўнаво́д, ‑а, М ‑дзе, м.

Спецыяліст у галіне баваўнаводства.

баваўнаво́дства, ‑а, н.

Вырошчванне бавоўны ў прамысловых мэтах.