Verbum

баксёрскі, ‑ая, ‑ае.

Які мае адносіны да баксёра (у 1, 2 знач.). Баксёрскія пальчаткі. Баксёрскае паўстанне.

баксі́раваць, ‑рую, ‑руеш, ‑руе; незак.

Весці барацьбу паводле правілаў бокса.

баксі́т, ‑у, М ‑сіце, м.

Асадачная горная парода, якая складаецца з гідратаў гліназёму і вокіслаў жалеза і з’яўляецца галоўнай мінеральнай сыравінай для здабычы алюмінію.

[Фр. beauxite.]

баксі́тавы, ‑ая, ‑ае.

Які мае адносіны да баксіту. Баксітавае радовішча.

бактэрыёз, ‑у, м.

Захворванне раслін, якое выклікаецца бактэрыямі.

бактэрыёлаг, ‑а, м.

Спецыяліст у галіне бактэрыялогіі.

бактэрыёліз, ‑у, м.

Разбурэнне бактэрый у арганізме, які праяўляе ўстойлівасць і не ўспрымае іх.

бактэрызава́ны, ‑ая, ‑ае.

Дзеепрым. зал. пр. ад бактэрызаваць.

бактэрызава́цца, ‑зуецца; зак. і незак.

1. Падвергнуцца (падвяргацца) уздзеянню бактэрый.

2. толькі незак. Зал. да бактэрызаваць.

бактэрызава́ць, ‑зую, ‑зуеш, ‑зуе; зак. і незак., што.

Падвергнуць (падвяргаць) што‑н. уздзеянню бактэрый. Бактэрызаваць малако.